रत्नगुणसंचयगाथा · अध्याय 24

मारो ऽपि तस्मि समये भवते सशल्यो शोकातु दुःखितु अनन्तमनो ऽल्पस्थामो
दिशदाह उल्क क्षिपते भयदर्शनार्थं कथमेष दीनमनसो भवि बोधिसत्त्वो ॥

[यथ ते भवन्ति विदु आशयसंप्रयुक्ता दिवरात्रि प्रज्ञवरपारमितार्थदर्शी]
तद कायचित्त खगपक्षिसतुल्यभूता अवतारु सो कुतु लभिष्यति कृष्णबन्धुः ॥

कलहाविवादुपगता यद बोधिसत्त्वा भोन्ति परस्परविरुद्धक रुष्टचित्ताः
तद मार तुष्टु भवती परमं उदग्रो उभि एति दूर भविष्यन्ति जिनान ज्ञाने ॥

उभि एति दूरि भविष्यन्ति पिशाचतुल्या उभि एति आत्म करिष्यन्ति प्रतिज्ञहानिम्
दुष्टान क्षान्तिविकलान कुतो ऽस्ति बोधि तद मारु तुष्टु भवती नमुचीसपक्षो ॥

यो बोधिसत्त्व अयु व्याकृतु व्याकृतस्मिं चित्तं प्रदूषयि विवादु समारभेय्या
यावन्ति चित्तक्षणिका खिलदोषयुक्तास् तावन्त कल्प पुन संनहितव्य भोन्ति ॥

अथ तस्युपद्यति मतीति अशोभना ति क्षान्तीय पारमित बोधि स्पृशन्ति बुद्धाः
प्रतिदर्शयाति पुन आयति संवराणि अपयाति वा स इह शिक्षति बुद्धधर्मे ॥