पाशुपतसूत्र · अध्याय 3

अव्यक्तलिङ्गी ॥

व्यक्ताचारः ॥

अवमतः ॥

सर्वभूतेषु ॥

परिभूयमानश् चरेत् ॥

अपहतपाप्मा ॥

परेषां परिवादात् ॥

पापं च तेभ्यो ददाति ॥

सुकृतं च तेषाम् आदत्ते ॥

तस्मात् ॥

प्रेतवच् चरेत् ॥

क्राथेत वा ॥

स्पन्देत वा ॥

मण्टेत वा ॥

शृङ्गारेत वा ॥

अपि तत् कुर्यात् ॥

अपि तद् भाषेत् ॥

येन परिभवं गच्छेत् ॥

परिभूयमानो हि विद्वान् कृत्स्नतपा भवति ॥

अत्रेदं ब्रह्म जपेत् ॥

अघोरेभ्यः ॥

अथ घोरेभ्यः ॥

घोरघोरतरेभ्यश् च ॥

सर्वेभ्यः ॥

शर्वसर्वेभ्यः ॥

नमस् ते अस्तु रुद्ररूपेभ्यः ॥