पैप्पलाद-संहिता · अध्याय 20.17
तृष्टिके तृष्टिवन्दन
उद् अमुं छिन्धि तृष्टिके ।
यथा कृतद्विष्टे दशत्
सर्वस्मै शेप्यावते ॥
तृष्टासि तृष्टिकासि
विषा विषातक्य् असि ।
परिवृत्ता यथासस्य्
ऋषभेण वशेव ॥
आ ते ददे वक्षणाभ्य
आ ददे हृदयाद् अधि ।
आ ते मुखस्य यद् वर्च
आ पुंसो यत् तितृप्ससि ॥
मयि वर्चो मयि श्रवो
मयि द्युम्नं मयि त्विषिः ।
अहं ते वर्च आ ददे
अहं भूयासम् उत्तमः ॥
मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0