पैप्पलाद-संहिता · अध्याय 17.21

असृङ् मांसं त्वचं पेष्ट्रं मस्तृहणं मज्ज्ञः शरीरम् ।
अग्निः क्रव्याद् अत्त्व् अमुष्यामुष्यायणस्यामुष्याः पुत्रस्य ॥

प्रातर्यावद्भ्यो देवेभ्यः सायंयावद्भ्यो देवेभ्यो विश्वदानींयावद्भ्यो देवेभ्यः ।
अमुष्यामुष्यायणम् अमुष्याः पुत्रम् आ वृश्चामि ॥

वैश्वानराय क्षिप्रधन्वने ऽमुम् आमुष्यायणम् अमुष्याः पुत्रम् आ वृश्चामि ॥

क्षिप्रधन्वन् क्षिप्रहस्त ।
अमुष्यामुष्यायणस्यामुष्याः पुत्रस्य हृदयं यकृन् मतस्ने प्र विध्य ॥

इन्द्राग्निभ्यां प्रजापतये परमेष्ठिने सोमाय राज्ञे वरुणाय राज्ञे ।
पूष्णे धात्रे सवित्रे त्वष्ट्रे ऽमुम् आमुष्यायणम् अमुष्याः पुत्रम् आ वृश्चामि ॥

उषसे ऽह्ने रात्रये सूर्यायामुम् (…) ॥

वीरुद्भ्य ओषधीभ्यो वनस्पतिभ्यो वानस्पतेभ्यो ऽमुम् (…) ॥

अद्भ्यो मातरिश्वने ऽद्यावापृथिवीभ्याम् अमुम् (…) ॥

इदावत्सराय परिवत्सराय संवत्सराय बृहते विश्वरूपायामुम् (…) ॥

माद्भ्यः संवत्सरायामुम् (…) ॥