पैप्पलाद-संहिता · अध्याय 16.146
छिन्ध्य् आ छिन्धि प्र छिन्ध्य्
अपि क्षापय क्षापय ।
आददानम् आङ्गिरसि
ब्रह्मज्यम् उप दासय ॥
वैश्वदेवी ह्य् उच्यसे
कृत्या कूल्बजाम् आवृता
ओषन्ती समोषन्ती ब्रह्मणो वज्रः ॥
क्षुरपविर् मृत्युर् भूत्वापिधावितः ।
आ दत्से जिनतां वर्च
इष्टं पूर्तं चाशिषः ॥
आदाय जीतं जीताय
लोके ऽमुष्मिन् प्र यच्छसि ।
अघ्न्ये पदवीर् भव ब्राह्मणस्याभिशस्त्या ॥
मेनिः शरव्या भवाघाद् अघविषा भव ।
अग्न्ह्ये प्र शिरो जहि ब्रह्मज्यस्य कृतागसः ॥
त्वया प्रवृक्तं रजतम्
अग्निर् दहतु दुष्कृतं
देवपीयुम् अराधसम् ।
वृश्च प्र वृश्च छिन्धि प्र छिन्धि
कृन्त प्र कृन्त पिंश प्र पिंशौष सम् ओष दह प्र दह ।
ब्रह्मज्यं देव्य् अघ्न्य
आ मूलाद् अनु संदह ॥
मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0