ग्रंथ पाठ

पैप्पलाद-संहिता · अध्याय 1.99

1.99.1

अपोच्छन्ती दुष्वप्न्यम्
अप दुर्हार्दम् उच्छतम् ।
अपोष्टं सर्वं क्षेत्रियं
सर्वाश् च यातुधान्यः ॥

1.99.2

उद् अगातां भगवती
विचृतौ नाम तारके ।
वि क्षेत्रियस्य मुञ्चतां
संग्रन्थिं हृदयस्य च ॥

1.99.3

नमो अस्तु वरत्राभ्यो
नम ईषायुगेभ्यः ।
मृगायारण्ये तिष्ठते
क्षेत्रियायाकरं नमः ॥

1.99.4

आखोर् इदं क्षैत्रपत्यं
मनोश् च मानवस्य च ।
मनः सर्वस्य पश्यत
इह भूयः स्याद् इति ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0