ग्रंथ पाठ

पैप्पलाद-संहिता · अध्याय 1.98

1.98.1

यथा मृगं रोपयसि
तिरश् चर्मातिविध्यसि ।
एवा त्वम् उग्र ओषधे
अमुं रोपय माम् अभि ॥

1.98.2

बन्धश् चेमा उपधिश् च
मधुमन् नौ समञ्जनम् ।
द्वारौ भगस्येमा ऊरू
मृगस् तृष्यन्न् इवा चर ॥

1.98.3

अभि त्वाधाम् अभिधिना
जालेनेव महाजषम् ।
यथा मम क्रताव् असो
मम चित्ते सचावहै ॥

1.98.4

अहं वै त्वद् उत्तरास्म्य्
अध त्वम् उपधिर् मम ।
सं नौ बध्नामि संबन्धनेन
यथासावाविचर्त्याव्
आ मृत्योर् आ परावतः ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0