महासुभाषितसंग्रह · श्लोक 9975-9979

का स्त्री न प्रणयिवशा का विलसितयो मनोभवविहीनाः ।
को धर्मो निरुपशमः किं सौख्यं वल्लभेन रहितानाम् ॥

कास्विद् अवगुण्ठनवती नातिपरिस्फुटशरीरलावण्या ।
मध्ये तपोधनानां किसलयमिव पाण्डुपत्राणाम् ॥

काहमस्मि गुहा वक्ति प्रश्नेऽमुष्मिन् किमुत्तरम् ।
कथमुक्तं न जानासि कदर्थयसि यत् सखे ॥

काहर्निशमनुचिन्त्या सम्सारासारता न तु प्रमदा ।
का प्रेयसी विधेया करुणा दाक्षिण्यमथ मैत्री ॥

का हि तुलामधिरोहति भुजगलतायाः प्रतानिनीष्वन्या ।
या खण्डितापि रदनैर् जनयति वदने विचक्षणां सुषमाम् ॥