મહાસુભાષિતસંગ્રહ · શ્લોક 9975-9979

કા સ્ત્રી ન પ્રણયિવશા કા વિલસિતયો મનોભવવિહીનાઃ ।
કો ધર્મો નિરુપશમઃ કિં સૌખ્યં વલ્લભેન રહિતાનામ્ ॥

કાસ્વિદ્ અવગુણ્ઠનવતી નાતિપરિસ્ફુટશરીરલાવણ્યા ।
મધ્યે તપોધનાનાં કિસલયમિવ પાણ્ડુપત્રાણામ્ ॥

કાહમસ્મિ ગુહા વક્તિ પ્રશ્નેઽમુષ્મિન્ કિમુત્તરમ્ ।
કથમુક્તં ન જાનાસિ કદર્થયસિ યત્ સખે ॥

કાહર્નિશમનુચિન્ત્યા સમ્સારાસારતા ન તુ પ્રમદા ।
કા પ્રેયસી વિધેયા કરુણા દાક્ષિણ્યમથ મૈત્રી ॥

કા હિ તુલામધિરોહતિ ભુજગલતાયાઃ પ્રતાનિનીષ્વન્યા ।
યા ખણ્ડિતાપિ રદનૈર્ જનયતિ વદને વિચક્ષણાં સુષમામ્ ॥