काव्यालंकारसूत्र (अन्य संस्करण) · अध्याय 5.1

समाओतं चेदमालङ्कारिकं चतुर्थमधिकरणम् ।
प्रायोगिकं नाम पञ्चममधिकरणम् ।
प्रथमो ऽध्यायः ।
नैकं पदं द्विः प्रयोज्यं प्रायेण

नित्या संहितैकपदवत्पादेष्वर्धान्तवर्जम्

न पादान्तलघोर्गुरुत्वं च सर्वत्र

न गाद्ये समाप्तप्रायं वृत्तम्, अन्यत्रोद्गतादिभ्यः संवादात् ॥ व्कल्_5,1.4* ॥
न पादादौ खल्वादयः

नार्धे किञ्चित्समाप्तं वाक्यम्

न कर्मधारयो बहुव्रीहिप्रतिपत्तिकरः

तेन विपर्ययो व्याख्यातः

संभाव्यनिषेधनिवर्तने द्वौ प्रतिषेधौ

विशेषणमात्रप्रयोगो विशेष्यप्रतिपत्तौ

सर्वनाम्नानुसंधिर्वृत्तिच्छन्नस्य

संबन्धसंबन्धे ऽपि षष्ठी क्वचित्

अतिप्रयुक्तं देशभाषापदम्

लिङ्गाध्याहारौ

लक्षणाशब्दाश्च

न तद्बाहुल्यमेकत्र

स्तनादीनां द्वित्वाविष्टा जातिः प्रायेण