कौशिकपद्धति · अध्याय 1.4

वृष्णे बृहते स्वर्विन्दे अग्नये शल्कं हरामि त्विषीमते । स न स्थिरान् बलवतः कृणोतु ज्योक् च नो जीवातवे दधात्वग्नये स्वाहा (पैप्प्स् 19.52.6) इत्युत्तरार्धपूर्वार्ध आग्नेयमाज्यभागं जुहोति

दक्षिणपूर्वार्धे सोमाय त्वं सोम दिव्यो नृचक्षाः सुगा;म् अस्मभ्यं पथो अनु ख्यः । अभि नो गोत्रं विदुष इव नेषोऽच्छा नो वाचमुशतीं जिगासि सोमाय स्वाहा (पैप्प्स् 1.51.3) इति

ऽवृष्णे बृहतेऽ ऽत्वं सोम दिव्यःऽ इत्याज्यभागान्तं कृत्वा तत आग्नेयं चरुं जुहोति ऽउदेनमुत्तरं नयऽ (6.5.1-3) इति त्रिभिरृग्भिः ऽप्रजापते न त्वत्ऽ (7.80.3) इति च चतस्र आहुतीर्जुहोति ॥
मध्ये हविः

उपस्तीर्याज्यं संहताभ्यामङ्गुलिभ्यां द्विर्हविषोऽवद्यति मध्यात् पूर्वार्धाच्च

अवत्तमभिघार्य द्विर्हविः प्रत्यभिघारयति

यतोयतोऽवद्यति तदनुपूर्वम्

एवं सर्वाण्यवदानानि

अन्यत्र सौविष्टकृतात्

उदेनमुत्तरं नय (6.5.1-3) इति पुरस्ताद्धोमसंहतां पूर्वाम्

[एवं पूर्वाम्पूर्वां संहतां जुहोति

]
इत्यादि प्रत्याहुति योजयितव्यम् ॥
स्वाहान्ताभिः प्रत्यृचं होमाः

[यामुत्तरामग्नेराज्यभागस्य जुहोति रक्षोदेवत्या सा यां दक्षिणतः सोमस्य पितृदेवत्या सा

तस्मादन्तरा होतव्या देवलोक एव हूयन्ते

यां हुत्वा पूर्वामपरां जुहोति सापक्रामन्ती स पापीयान् यजमानो भवति

यां पराम्परां संहतां जुहोति साभिक्रामन्ती स वसीयान् यजमानो भवति

यामनग्नौ जुहोति सान्धा तया चक्षुर्यजमानस्य मीयते सोऽन्धम्भावुको यजमानो भवति

यां धूमे जुहोति सा तमसि हूयते सोऽरोचको यजमानो भवति

यां ज्योतिष्मति जुहोति तया ब्रह्मवर्चसी भवति तस्माज्ज्योतिष्मति होतव्यम्

]
सर्वत्र हविराज्यं च चतुर्गहीतम् । उक्तं च ऽसर्वत्र चतुर्गृहीतेन होमःऽ ॥
[एवम् अस्मै क्षत्रमग्नीषोमौ (6.54.2) इत्यग्नीषोमीयस्य