कौषीतकिब्राह्मण · अध्याय 7.7
प्रायणीयेन.वै.देवाः.प्राणम्.आप्नुवन्न्.उदयनीयेन.उदानम् ।
तथो.एव.एतद्.यजमानः.प्रायणीयेन.एव.प्राणम्.आप्नोत्य्.उदयनीयेन.उदानम् । (सोम: प्रायणीयेष्टि)
तौ.वा.एतौ.प्राण.उदानाव्.एव.यत्.प्रायणीय.उदयनीये ।
तस्माद्.य.एव.प्रायणीयस्य.ऋत्विजस्.त.उदयनीयस्य.स्युः । (सोम: प्रायणीयेष्टि)
समानौ.हि.इमौ.प्राण.उदानौ ।
प्रायणीयेन.ह.वै.देवाः.स्वर्गंल्.लोकम्.अभिप्रयाय.दिशो.न.प्रजज्ञुः । (सोम: प्रायणीयेष्टि)
तान्.अग्निर्.उवाच ।
मह्यम्.एकाम्.आज्य.आहुतिम्.जुहुत.अहम्.एकाम्.दिशम्.प्रज्ञास्यामि.इति । (सोम: प्रायणीयेष्टि)
तस्मा.अजुहवुः ।
स.प्राचीम्.दिशम्.प्राजानात् ।
तस्मात्.प्राञ्चम्.अग्निम्.प्रणयन्ति । (सोम: प्रायणीयेष्टि)
प्रान्.यज्ञस्.तायते ।
प्राञ्च.उ.एव.अस्मिन्न्.आसीना.जुह्वति ।
एषाहि.तस्य.दिक्.प्रज्ञाता । (सोम: प्रायणीयेष्टि)
अथ.अब्रवीत्.सोमः ।
मह्यम्.एकाम्.आज्य.आहुतिम्.जुहुत.अहम्.एकाम्.दिशम्.प्रज्ञास्यामि.इति । (सोम: प्रायणीयेष्टि)
तस्मा.अजुहवुः ।
स.दक्षिणाम्.दिशम्.प्राजानात् ।
तस्मात्.सोमम्.क्रीतम्.दक्षिणा.परिवहन्ति ।
दक्षिणा.तिष्ठन्न्.अभिष्टौति । (सोम: प्रायणीयेष्टि)
दक्षिणा.तिष्ठन्.परिदधाति ।
दक्षिणो.एव.एनम्.आसीना.अभिषुण्वन्ति । (सोम: प्रायणीयेष्टि)
एषा.हि.तस्य.दिक्.प्रज्ञाता ।
अथ.अब्रवीत्.सविता ।
मह्यम्.एकाम्.आज्य.आहुतिम्.जुहुत.अहम्.एकाम्.दिशम्.प्रज्ञास्यामि.इति । (सोम: प्रायणीयेष्टि)
तस्मा.अजुहवुः ।
स.प्रतीचीम्.दिशम्.प्राजानात् ।
तद्.असौ.वै.सविता.यो.असौ.तपति । (सोम: प्रायणीयेष्टि)
तस्माद्.एतम्.प्रत्यञ्चम्.एव.अहर्.अहर्.यन्तम्.पश्यन्ति.न.प्राञ्चम् ।
एषा.हि.तस्य.दिक्.प्रज्ञाता । (सोम: प्रायणीयेष्टि)
अथ.अब्रवीत्.पथ्या.स्वस्तिः ।
मह्यम्.एकाम्.आज्य.आहुतिम्.जुहुत.अहम्.एकाम्.दिशम्.प्रज्ञास्यामि.इति । (सोम: प्रायणीयेष्टि)
तस्या.अजुहवुः ।
सा.उदीचीम्.दिशम्.प्राजानात् ।
वाग्.वै.पथ्या.स्वस्तिः । (सोम: प्रायणीयेष्टि)
तस्माद्.उदीच्याम्.दिशि.प्रज्ञाततरा.वाग्.उद्यते ।
उदञ्च.उ.एव.यन्ति.वाचम्.शिक्षितुम् । (सोम: प्रायणीयेष्टि)
यो.वा.तत.आगच्छति ।
तस्य.वा.शुश्रूषन्त.इति.ह.स्म.आह ।
एषा.हि.वाचो.दिक्.प्रज्ञाता । (सोम: प्रायणीयेष्टि)
मूल पाठ: Kauṣītakibrāhmaṇa (or Śāṅkhāyanabrāhmaṇa) · Edition: E. R. Sreekrishna Sarma (Wiesbaden 1968; VOHD, Suppl. 9,1) · Data entry Muneo Tokunaga · GRETIL (Göttingen) · CC BY-NC-SA 4.0