कौषीतकिब्राह्मण · अध्याय 5.1
अथ.अतश्.चातुर्मास्यानाम् ।
चातुर्मास्यानि.प्रयुञ्जानः.फाल्गुन्याम्.पौर्णमास्याम्.प्रयुङ्क्ते । (चातुर्मास्य)
मुखम्.वा.एतत्.संवत्सरस्य.यत्.फाल्गुनी.पौर्णमासी ।
मुखम्.उत्तरे.फल्गू । (चातुर्मास्य)
पुच्छम्.पूर्वे ।
तद्.यथा.प्रवृत्तस्य.अन्तौ.समेतौ.स्याताम् ।
एवम्.एव.एतौ.संवत्सरस्य.अन्तौ.समेतौ । (चातुर्मास्य)
तद्.यत्.फाल्गुन्याम्.पौर्णमास्याम्.वैश्वदेवेन.यजेत ।
मुखत.एव.तस्.संवत्सरम्.प्रीणाति । (चातुर्मास्य)
अथो.भैषज्य.यज्ञा.वा.एते.यच्.चातुर्मास्यानि ।
तस्माद्.ऋतु.संधिषु.प्रयुज्यन्ते । (चातुर्मास्य)
ऋतु.संधिषु.हि.व्याधिर्.जायते ।
तानि.वा.अष्टौ.हवींषि.भवन्ति । (चातुर्मास्य)
अष्टौ.वै.चतसृणाम्.पौर्णमासीनाम्.हवींषि.भवन्ति ।
चतसृणाम्.वै.पौर्णमासीनाम्.वैश्वदेवम्.समासः । (चातुर्मास्य)
अथ.यद्.अग्निर्.मथ्यते ।
प्रजापतिर्.वै.वैश्वदेवम् ।
तस्माद्.एतम्.दैवम्.गर्भम्.प्रजनयन्ति । (चातुर्मास्य)
अथ.यत्.सप्तदश.सामिधेन्यः.सद्वन्ताव्.आज्य.भागौ.विराजौ.सम्याज्ये.तस्य.उक्तम्.ब्राह्मणम् । (चातुर्मास्य)
अथ.यन्.नव.प्रयाजा.नव.अनुयाजा.अष्टौ.हवींषि.वाजिनम्.नवमम् ।
तन्.नक्षत्रियाम्.विराजम्.आप्नोति । (चातुर्मास्य)
मूल पाठ: Kauṣītakibrāhmaṇa (or Śāṅkhāyanabrāhmaṇa) · Edition: E. R. Sreekrishna Sarma (Wiesbaden 1968; VOHD, Suppl. 9,1) · Data entry Muneo Tokunaga · GRETIL (Göttingen) · CC BY-NC-SA 4.0