कौषीतकिब्राह्मण · अध्याय 2.5
अन्नाद्.एव.ते.सर्वे.जायन्ते ।
ते.देवा.अब्रुवन् ।
कथम्.न्व्.इमान्.वयम्.आनन्दान्.अस्मादृशस्य.एव.प्रतिगृह्णीयाम.इति । (अग्निहोत्र)
ते.अपाम्.ऊर्ध्वम्.रसम्.उदौहन् ।
ता.ओषधयश्.च.वनस्पतयश्.च.समभवन् ।
ओषधीनाम्.च.वनस्पतीनाम्.च.ऊर्ध्वम्.रसम्.उदौहन् ।
तत्.फलम्.अभवत् । (अग्निहोत्र)
फलस्य.ऊर्ध्वम्.रसम्.उदौहन् ।
तद्.अन्नम्.अभवत् ।
अन्नस्य.ऊर्ध्वम्.रसम्.उदौहन् ।
तद्.रेतो.अभवत् । (अग्निहोत्र)
रेतस.ऊर्ध्वम्.रसम्.उदौहन् ।
स.पुरुषो.अभवत् ।
सो.अयम्.पुरुषो.यत्.प्राणिति.वा.अपानिति.वा । (अग्निहोत्र)
न.तत्.प्राणेन.न.अनापेन.आह.इति.प्राणिषम्.वा.अपानिषम्.वा.इति ।
वाचा.एव.तद्.आह । (अग्निहोत्र)
तत्.प्राण.अवानौ.वाचम्.अपीतो.वान्मयौ.भवतः ।
अथ.यच्.चक्षुषा.पश्यति । (अग्निहोत्र)
न.तच्.चक्षुषा.आह.इत्य्.अद्राक्षम्.इति ।
वाचा.एव.तद्.आह ।
तच्.चक्षुर्.वाअचम्.अप्येति.वान्मयम्.भवति । (अग्निहोत्र)
अथ.यत्.श्रोत्रेण.शृणोति ।
न.तत्.श्रोत्रेण.आह.इत्य्.अश्रौषम्.इति ।
वाचा.एव.तद्.आह । (अग्निहोत्र)
तत्.श्रोत्रम्.वाचम्.अप्येति.वान्मयम्.भवति ।
अथ.यन्.मनसा.संकल्पयते ।
न.तन्.मनसा.आह.इति.समचीकॢपम्.इति । (अग्निहोत्र)
वाचा.एव.तद्.आह ।
तन्.मनो.वाचम्.अप्येति.वान्मयम्.भवति ।
अथ.यद्.अङ्गैः.सुशीमम्.वा.दुह्शीमम्.वा.स्पृशति । (अग्निहोत्र)
न.तद्.अङ्गैर्.आह.इति.सुशीमम्.वा.दुह्शीमम्.वा.अस्प्राक्षम्.इति ।
वाचा.एव.तद्.आह । (अग्निहोत्र)
तत्.सर्व.आत्मा.वाचम्.अप्येति.वान्मयो.भवति ।
तद्.एतद्.ऋचा.अभ्युदितम् । (अग्निहोत्र)
न.इन्द्राद्.ऋते.पवते.धाम.किंचन.इति ।
वाग्.वा.इन्द्रः ।
न.ह्य्.ऋते.वाचः.पवते.धाम.किंचन । (अग्निहोत्र)
मूल पाठ: Kauṣītakibrāhmaṇa (or Śāṅkhāyanabrāhmaṇa) · Edition: E. R. Sreekrishna Sarma (Wiesbaden 1968; VOHD, Suppl. 9,1) · Data entry Muneo Tokunaga · GRETIL (Göttingen) · CC BY-NC-SA 4.0