कौषीतकिब्राह्मण · अध्याय 19.5
मुखम्.वा.एतत्.संवत्सरस्य.यच्.चतुर्विंशः ।
तस्माद्.अग्निष्टोमो.भवति ।
अग्निष्टोमो.हि.यज्ञानाम्.मुखम् । (सोम: गवामयन)
मुखत.एव.तत्.संवत्सरम्.प्रीणन्ति ।
तद्द्.ह.एक.उक्थ्यम्.कुर्वन्ति ।
यज्ञस्य.एव.सभारतायै । (सोम: गवामयन)
तस्य.चतुर्विंशः.स्तोमो.भवति ।
चतुर्विंशतिर्.वै.संवत्सरस्य.अर्ध.मासाः । (सोम: गवामयन)
संवत्सरस्य.एव.आप्त्यै ।
तस्य.वै.त्रीणि.षष्टि.शतानि.स्तोत्रियाणाम्.भवन्ति । (सोम: गवामयन)
त्रीणि.वै.षष्टि.शतानि.संवत्सरस्य.अह्नाम् ।
तत्.संवत्सरस्य.अहान्य्.आप्नुवन्ति । (सोम: गवामयन)
तस्य.बृहत्.पृष्ठम्.भवति ।
द्वितीयम्.वा.एतद्.अह्नाम्.द्वितीयम्.बृहत्.पृष्ठानाम् । (सोम: गवामयन)
तस्माद्.अस्य.बृहत्.पृष्ठम्.भवति ।
अथ.यत्र.चतुर्विंश.स्तोमम्.उपयन्ति ।
अवधृतम्.वा.उ.तत्र.महा.व्रतम् । (सोम: गवामयन)
बृहद्.उ.वा.आयतनेन.महा.व्रतस्य.पृष्ठम्.भवति ।
तस्माद्.बृहद्.एव.एतस्य.अह्नः.पृष्ठम्.स्याद्.इति । (सोम: गवामयन)
तस्य.संवत्.संवत्सरम्.अभि.पर्युदितानि.छन्दो.रूपाणि ।
होता.अजनिष्ट.चेतन.इत्य्.अष्टर्चम्.आज्यम्.गायत्री.मात्रम् । (सोम: गवामयन)
गायत्री.मात्रो.वै.स्तोमः ।
तद्.वै.शस्त्रम्.समृद्धम्.यस्.स्तोमेन.सम्पद्यते । (सोम: गवामयन)
माधुच्.छन्दसः.प्रौगः.स.वै.समृद्धः ।
तस्य.रूपेण.अन्ये.प्रौगाः.कल्पन्ते ।
समृद्धम्.मे.प्रथमतः.कर्म.कृतम्.असद्.इति । (सोम: गवामयन)
आ.त्वा.रथम्.यथा.ऊतय.इति.मरुत्वतीयस्य.प्रतिपत् ।
इदम्.वसो.सुतम्.अन्ध.इत्य्.अनुचरः । (सोम: गवामयन)
एष.एव.नित्य.एकाह.आतानस्.तस्य.उक्तम्.ब्राह्मणम् । (सोम: गवामयन)
मूल पाठ: Kauṣītakibrāhmaṇa (or Śāṅkhāyanabrāhmaṇa) · Edition: E. R. Sreekrishna Sarma (Wiesbaden 1968; VOHD, Suppl. 9,1) · Data entry Muneo Tokunaga · GRETIL (Göttingen) · CC BY-NC-SA 4.0