कौषीतकिब्राह्मण · अध्याय 14.7
तानि.वै.सप्त.तृचानि.भवन्ति ।
सप्त.वै.छन्दांसि ।
सर्वेषाम्.एव.छन्दसाम्.आप्त्यै । (सोम: प्रातः.सवन)
अथो.एतैर्.वै.देवा.असुराणाम्.सप्त.साप्तान्य्.अवृञ्जत ।
तथो.एव.एतद्.यजमान.एतैर्.एव.द्विषतो.भ्रातृव्यस्य.सप्त.साप्तानि.वृङ्क्ते ।
अग्नेर्.अग्रे.प्रातः.सवनम्.आसीत् । (सोम: प्रातः.सवन)
इन्द्रस्य.माध्यंदिनम्.सवनम् ।
विश्वेषाम्.देवानाम्.तृतीय.सवनम् । (सोम: प्रातः.सवन)
सो.अग्निर्.अकामयत ।
स्यान्.मे.माध्यंदिने.सवने.अथो.तृतीय.सवन.इति । (सोम: प्रातः.सवन)
इन्द्रो.अकामयत ।
स्यान्.मे.प्रातः.सवने.अथो.तृतीय.सवन.इति ।
विश्वे.देवा.अकामयन्त ।
स्यान्.नो.माध्यंदिने.सवने.अथो.प्रातः.सवन.इति ।
ता.अमुतो.अर्वाच्यो.देवतास्.तृतीय.सवनात्.प्रातः.सवनम्.अभिप्रायुञ्जत । (सोम: प्रातः.सवन)
तद्.यद्.अभिप्रायुञ्जत ।
तत्.प्रौगस्य.प्रौगत्वम् ।
तस्माद्.बह्व्यो.देवताः.प्रौगे.शस्यन्ते ।
तस्मात्.सर्वाणि.सवनानि.सर्व.देवत्यानि.भवन्ति । (सोम: प्रातः.सवन)
वैश्वेभिः.सोम्यम्.मध्व्.इत्य्.उक्थम्.शस्त्वा.यजति.वैश्वदेव्याः ।
वैश्वदेवम्.ह्य्.एतद्.उक्थम् ।
गायत्र्या.गायत्रम्.प्रातः.सवनम् ।
अन्व्.इद्.उ.वषट्.करवद्.अन्विद्.उ.वषट्.करवत् । (सोम: प्रातः.सवन)
मूल पाठ: Kauṣītakibrāhmaṇa (or Śāṅkhāyanabrāhmaṇa) · Edition: E. R. Sreekrishna Sarma (Wiesbaden 1968; VOHD, Suppl. 9,1) · Data entry Muneo Tokunaga · GRETIL (Göttingen) · CC BY-NC-SA 4.0