कौषीतकिब्राह्मण · अध्याय 10.7
पर्यग्निम्.पशुम्.करोति.रक्षसाम्.अपहत्यै ।
अग्निर्.वै.रक्षसाम्.अपहन्ता । (पशु: पर्यग्नि.करण)
त्रिः.प्रसवि.पर्यग्नि.करोति ।
तद्.यथा.तिस्रो.अग्नि.पुरः.कुर्याद्.एवम्.तत् । (पशु: पर्यग्नि.करण)
तस्मात्.पुनः.परीहि.इत्य्.अग्निधम्.ब्रूयात् ।
यम्.इच्छेन्.न.प्रच्यवेत.इति । (पशु: पर्यग्नि.करण)
दैव्याः.शमितार.उत.च.मनुष्या.आरभध्वम्.उपनयत.मेध्या.दुर.आशासाना.मेधपतिभ्याम्.मेधम्.इति । (पशु: अध्रिगु.प्रैष)
तद्द्.ह.एक.आहुः ।
यजमानो.वै.मेध.पतिर्.इति ।
को.मनुष्य.इति.ब्रूयात् । (पशु: अध्रिगु.प्रैष)
देवता.एव.मेध.पतिर्.इति ।
षड्विंशतिर्.अस्य.वङ्क्रय.इति ।
पर्शव.उ.ह.वै.वङ्क्रयः ।
उभयतो.असृक्.पर्यवान्.इति । (पशु: अध्रिगु.प्रैष)
असृग्.भाजनानि.ह.वै.रक्षांसि.भवन्ति ।
न.इद्.रक्षसाम्.भागेन.दैवम्.भागम्.प्रसजानि.इति । (पशु: अध्रिगु.प्रैष)
स.एषो.अध्रिगुः.संशासनम्.एव ।
अङ्गानि.मा.परिकर्तोर्.इति ।
यद्द्.ह.वा.अदुष्टम्.तद्.देवानाम्.हविः । (पशु: अध्रिगु.प्रैष)
न.वै.ते.दुष्टम्.हविर्.अदन्ति ।
नवकृत्वो.अध्रिगाव्.अवान्.इति ।
नव.इमे.प्राणाः । (पशु: अध्रिगु.प्रैष)
प्राणान्.एव.तद्.यजमाने.दधाति ।
सर्वायुत्वाय.अस्मिंल्.लोके । (पशु: अध्रिगु.प्रैष)
अमृतत्वाय.अमुष्मिन् ।
त्रिः.परिदधात्य्.अपर.अक्त्वाय ।
सकृत्.पुरस्ताद्.आह । (पशु: अध्रिगु.प्रैष)
सकृद्.इव.वै.पितरः ।
पितृ.देवत्य.इव.वै.पशुर्.आलभ्यमानो.भवति । (पशु: अध्रिगु.प्रैष)
अथ.यत्.त्रिर्.उपरिष्टाद्.आह ।
त्रिर्.वै.देवत्याः ।
देव.देवत्यम्.एव.एनम्.तद्.अयात.यामानम्.करोति । (पशु: अध्रिगु.प्रैष)
मूल पाठ: Kauṣītakibrāhmaṇa (or Śāṅkhāyanabrāhmaṇa) · Edition: E. R. Sreekrishna Sarma (Wiesbaden 1968; VOHD, Suppl. 9,1) · Data entry Muneo Tokunaga · GRETIL (Göttingen) · CC BY-NC-SA 4.0