धर्मसूत्र · अध्याय 6

पादोपसम्ग्रहणं समवाये ऽन्वहम् ।

अभिगम्य तु विप्रोष्य ।

मातृपितृतद्बन्धूनां पूर्वजानां विद्यागुरूणांतद्गुरूणां च ।

संनिपाते परस्य ।

स्वनाम प्रोच्याहमयम् इत्य् अभिवादोज्ञसमवाये ।

स्त्रीपुंयोगे ऽभिवादतो ऽनियमम् एके ।

नाविप्रोष्य स्त्रीणाम् अमातृपितृव्यभार्याभगिनीनाम् ।

नोपसंग्रहणं भ्रातृभार्याणां स्वसृऋणाम् ।

ऋत्विक्छ्वशुरपितृव्यमातुलानां तु यवीयसांप्रत्युत्थानम् अभिवाद्याः ।

तथान्यः पूर्वः पौरो ऽशीतिकावरःशूद्रो ऽप्य् अपत्यसमेन ।

अवरो ऽप्य् आर्यः शूद्रेण ।

नाम वास्य वर्जयेत् ।

राज्ञश् चाजपः प्रेष्यः ।

भो भवन्न् इति वयस्यः समाने ऽहनि जातः ।

दशवर्शवृद्धः पौरः ।

पञ्चभिःकलाभरः ।

श्रोत्रियश् चारणस् त्रिभिः ।

राजन्यवैश्यकर्मा विद्याहीनाः ।

दीक्षितश् च प्राक् क्रयात् ।

वित्तबन्धुकर्मजातिविद्यावयांसि मान्यानिपरबलीयांसि ।

श्रुतं तु सर्वेभ्यो गरीयः ।

तन्मूलत्वाद् धर्मस्य

श्रुतेश् च ।

चक्रिदशमीस्थानुग्राह्यवधूस्नातकराजभ्यः पथोदानम् ।

राज्ञा तु श्रोत्रियाय श्रोत्रियाय ।