ધર્મસૂત્ર · અધ્યાય 6
પાદોપસમ્ગ્રહણં સમવાયે ઽન્વહમ્ ।
અભિગમ્ય તુ વિપ્રોષ્ય ।
માતૃપિતૃતદ્બન્ધૂનાં પૂર્વજાનાં વિદ્યાગુરૂણાંતદ્ગુરૂણાં ચ ।
સંનિપાતે પરસ્ય ।
સ્વનામ પ્રોચ્યાહમયમ્ ઇત્ય્ અભિવાદોજ્ઞસમવાયે ।
સ્ત્રીપુંયોગે ઽભિવાદતો ઽનિયમમ્ એકે ।
નાવિપ્રોષ્ય સ્ત્રીણામ્ અમાતૃપિતૃવ્યભાર્યાભગિનીનામ્ ।
નોપસંગ્રહણં ભ્રાતૃભાર્યાણાં સ્વસૃઋણામ્ ।
ઋત્વિક્છ્વશુરપિતૃવ્યમાતુલાનાં તુ યવીયસાંપ્રત્યુત્થાનમ્ અભિવાદ્યાઃ ।
તથાન્યઃ પૂર્વઃ પૌરો ઽશીતિકાવરઃશૂદ્રો ઽપ્ય્ અપત્યસમેન ।
અવરો ઽપ્ય્ આર્યઃ શૂદ્રેણ ।
નામ વાસ્ય વર્જયેત્ ।
રાજ્ઞશ્ ચાજપઃ પ્રેષ્યઃ ।
ભો ભવન્ન્ ઇતિ વયસ્યઃ સમાને ઽહનિ જાતઃ ।
દશવર્શવૃદ્ધઃ પૌરઃ ।
પઞ્ચભિઃકલાભરઃ ।
શ્રોત્રિયશ્ ચારણસ્ ત્રિભિઃ ।
રાજન્યવૈશ્યકર્મા વિદ્યાહીનાઃ ।
દીક્ષિતશ્ ચ પ્રાક્ ક્રયાત્ ।
વિત્તબન્ધુકર્મજાતિવિદ્યાવયાંસિ માન્યાનિપરબલીયાંસિ ।
શ્રુતં તુ સર્વેભ્યો ગરીયઃ ।
તન્મૂલત્વાદ્ ધર્મસ્ય
શ્રુતેશ્ ચ ।
ચક્રિદશમીસ્થાનુગ્રાહ્યવધૂસ્નાતકરાજભ્યઃ પથોદાનમ્ ।
રાજ્ઞા તુ શ્રોત્રિયાય શ્રોત્રિયાય ।
મૂળ પાઠ: Dharmasūtra · Edition: Ganesa Sastrin Gokhale, Pune 1910, (Anandasrama Sanskrit Series, 61); with variants from: The Institutes of Gautama, ed.by A.F. Stenzler, London 1876. · Data entry Nobuyuki Watase · GRETIL (Göttingen) · CC BY-NC-SA 4.0