धर्मसूत्र · अध्याय 16
श्रावणादि वार्षिकं प्रोष्ठपदींवोपाकृत्याधीयीत च्छन्दांसि ।
अर्धपञ्चमान् मासान् पञ्च दक्षिणायनं वा ।
ब्रह्मचार्य् उत्सृष्टलोमा न मांसं भुञ्जीत ।
द्वैमास्यो वा नियमः ।
नाधीयीत वायौ दिवा पांसुहरे ।
कर्णश्राविणि नक्तम् ।
वाणभेरीमृदङ्गगर्तार्तशब्देषु ।
श्वशृगालगर्दभसंह्रादे ।
रोहितेन्द्रधनुर्नीहारेषु ।
अभ्रदर्शने चापर्तौ(ऋतु) ।
मूत्रित उच्चारिते ।
निशायां संध्योदकेषु ।
वर्षति च ।
एके वलीकसंतानाम् ।
आचार्यपरिवेषणे ।
ज्योतिषोश् च ।
भीतो यानस्थः शयानः प्रौढपादः ।
श्मशानग्रामान्तमहापथाशौचेषु ।
पूतिगन्धान्तःशवदिवाकीर्त्य(चाण्डाल)शूद्रसंनिधाने ।
भुक्तके चोद्गारे ।
ऋग्यजुषं च सामशब्दो यावत् ।
आकालिका निर्घातभूमिकम्पराहुदर्शनोल्काः ।
स्तनयित्नुवर्षविद्युतश् च प्रादुष्कृताग्निषु ।
अहर् ऋतौ(ऋतु) ।
विद्युति नक्तं चापररात्रात् ।
त्रिभागादिप्रवृत्तौ सर्वम् ।
उल्का विद्युत्समेत्य् एकेषाम् ।
स्तनयित्नुर् अपराह्णे ।
अपि प्रदोषे ।
सर्वं नक्तम् आर्धरात्रात् ।
अहश् चेत् सज्योतिः ।
विषयस्थे च राज्ञि(राजन्) प्रेते ।
विप्रोष्य चान्योन्येन सह ।
संकुलोपाहितवेदसमाप्तिच्छर्दिश्राद्धमनुष्ययज्ञभोजनेष्वहोरात्रम् ।
अमावास्यायां च ।
द्व्यहं वा ।
कार्तिकी फाल्गुनीय्षाढी पौर्णमासी ।
तिस्रो ऽष्टकास् त्रिरात्रम् ।
अन्त्याम् एके ।
अभितो वार्षिकम् ।
सर्वे वर्षाविद्युत्स्तनयित्नुसंनिपाते ।
प्रस्यन्दिनि ।
ऊर्ध्वं भोजनाद् उत्सवे ।
प्राधीतस्य च निशायां चतुर्मुहूर्तम् ।
नित्यम् एके नगरे ।
मानसम् अप्य् अशुचिः ।
श्राद्धिनाम्(श्राद्ध) आकालिकम् ।
अकृतान्नश्राद्धिकसंयोगे ऽपि ।
प्रतिविद्यं च यान् स्मरन्ति ।
मूल पाठ: Dharmasūtra · Edition: Ganesa Sastrin Gokhale, Pune 1910, (Anandasrama Sanskrit Series, 61); with variants from: The Institutes of Gautama, ed.by A.F. Stenzler, London 1876. · Data entry Nobuyuki Watase · GRETIL (Göttingen) · CC BY-NC-SA 4.0