बृहत्संहिता · अध्याय 20

यस्यां दिशि दृश्यन्ते विशन्ति ताराग्रहा रविं सर्वे।
भवति भयं दिशि तस्याम् आयुध^कोप^क्षुधआ^आतङ्कैः॥

चक्र^धनुः^शृङ्गाटक^दण्ड^पुर^प्रास^वज्र^संस्थानाः।
क्षुद्^वृष्टिकरा[क्.ऊ.अवृष्टिकरा] लोके समराय च मानव^इन्द्राणाम्॥

यस्मिन् खांशे दृश्या ग्रहमाला दिनकरे दिनान्तगते।
तत्र +अन्यो भवति नृपः परचक्र^उपद्रवश् च महान्॥

*तस्मिन्न्[क्.यस्मिन्न्] ऋक्षे कुर्युः समागमं तज्जनान् ग्रहा हन्युः।
*अविभेदिनः[क्.अविभेदनाः] परस्परम् अमलमयूखाः शिवास् तेषाम्॥

ग्रह^संवर्त^समागम^सम्मोह^समाज^सन्निपात^आख्याः।
कोशश् चेत्य् एतेषाम् अभिधास्ये लक्षणं सफलं॥

एक^ऋक्षे चत्वारः सह पौरैर् यायिनो +अथ वा पञ्च।
संवर्तो नाम भवेत्^शिखि^राहुयुतः स सम्मोहः॥

पौरः पौरसमेतो यायी सह यायिना समाजाख्यः।
यम^जीव^सङ्गमे +अन्यो यद्य् आगच्छेत् तदा कोशः॥

उदितः पश्चाद् एकः प्राक् चान्यो यदि स सन्निपाताख्यः।
अविकृततनवः स्निग्धा विपुलाश् च समागमे धन्याः॥

समौ तु संवर्तसमागमाख्यौ सम्मोह^कोशौ भयदौ प्रजानाम्।
*समाजसंज्ञो सुसमा प्रदिष्टा[क्.समाज्ञः सुसमः प्रदिष्टो] वैरप्रकोपः खलु सन्निपाते॥
21 गर्भलक्षणाध्यायः