बोधसार · अध्याय 39

[प्. 639-]
अद्भुतशिरश्छेदपञ्चकम्
तत्तद्विचारवैराग्याद्वरिष्ठा विश्वविस्मृतिः ।
छेद्यस्य शिरसश्छेदः प्रत्यङ्गच्छेदनाद्वरः

प्रत्यङ्गच्छेदनेऽप्यस्य च्छेद्यमेव शिरो यदि ।
प्रथमं तच्छिरश्छिन्धि वृथा किं चेष्टयाऽन्यया

दयाशीला हि मुनयो मुनेः साऽपि दयालुता ।
यच्छिनत्ति मनःशीर्षं विनाऽङ्गच्छेदवेदनाम्

सद्यो मम शिरश्छिन्धि मामित्याह मनो मम ।
मया सोढुं न शक्यन्ते प्रत्यङ्गच्छेददुर्दशाः

असङ्ख्याश्चित्तजा भावाः शक्याश्छेत्तुं क्रमात्कथम् ।
चित्तमेतत्समाच्छिन्नमत एव मया मुने