બોધસાર · અધ્યાય 39

[પ્. 639-]
અદ્ભુતશિરશ્છેદપઞ્ચકમ્
તત્તદ્વિચારવૈરાગ્યાદ્વરિષ્ઠા વિશ્વવિસ્મૃતિઃ ।
છેદ્યસ્ય શિરસશ્છેદઃ પ્રત્યઙ્ગચ્છેદનાદ્વરઃ

પ્રત્યઙ્ગચ્છેદનેઽપ્યસ્ય ચ્છેદ્યમેવ શિરો યદિ ।
પ્રથમં તચ્છિરશ્છિન્ધિ વૃથા કિં ચેષ્ટયાઽન્યયા

દયાશીલા હિ મુનયો મુનેઃ સાઽપિ દયાલુતા ।
યચ્છિનત્તિ મનઃશીર્ષં વિનાઽઙ્ગચ્છેદવેદનામ્

સદ્યો મમ શિરશ્છિન્ધિ મામિત્યાહ મનો મમ ।
મયા સોઢું ન શક્યન્તે પ્રત્યઙ્ગચ્છેદદુર્દશાઃ

અસઙ્ખ્યાશ્ચિત્તજા ભાવાઃ શક્યાશ્છેત્તું ક્રમાત્કથમ્ ।
ચિત્તમેતત્સમાચ્છિન્નમત એવ મયા મુને