ग्रंथ पाठ
अष्टावक्र गीता · अध्याय 8
8.1
तदा बन्धो यदा चित्तं किंचिद् वाञ्छति षोचति
किंचिन् मुञ्चति गृह्णाति किंचिद् धृष्यति कुप्यति ॥
8.2
तदा मुक्तिर् यदा चित्तं न वाञ्छति न शोचति
न मुञ्चति न गृह्णाति न हृष्यति न कुप्यति ॥
8.3
तदा बन्धो यदा चित्तं सक्तं कास्व् अपि दृष्टिषु
तदा मोक्षो यदा चित्तम् असक्तं सर्वदृष्टिषु ॥
8.4
यदा नाहं तदा मोक्षो यदाहं बन्धनं तदा
मत्वेति हेलया किंचित् मा गृहाण विमुञ्च मा ॥
मूल पाठ: Aṣṭāvakragītā · Data entry John Richards · GRETIL (Göttingen) · CC BY-NC-SA 4.0