अष्टावक्र गीता · अध्याय 5

न ते सङ्गो ऽस्ति केनापि किं शुद्धस् त्यक्तुम् इच्छसि
सङ्घातविलयं कुर्वन्न् एवम् एव लयं व्रज ॥

उदेति भवतो विश्वं वारिधेर् इव बुद्बुदः
इति ज्ञत्वैकम् आत्मानम् एवम् एव लयं व्रज ॥

प्रत्यक्षम् अप्य् अवस्तुत्वाद् विश्वं नास्त्य् अमले त्वयि
रज्जुसर्प इव व्यक्तम् एवम् एव लयं व्रज ॥

समदुःखसुखः पूर्ण आशानैराश्ययोः समः
समजीवितमृत्युः सन्न् एवम् एव लयं व्रज ॥