108 Buddhist stotras · अध्याय 98

मोहवज्रस्वभावस्त्वं यमारिरतिभीषणः ।
सर्वबुद्धमयः शान्तः कायवज्र नमो ऽस्तु ते ॥

पिशुनवज्रस्वभावस्त्वं यमारिरतिभीषणः ।
चित्तवज्रप्रतीकाशो रत्नवज्र नमो ऽस्तु ते ॥

रागवज्रस्वभावस्त्वं यमारिरतिभीषणः ।
सर्वघोषवराग्राग्र्य वाग्वज्र नमो ऽस्तु ते ॥

ईर्ष्यावज्रस्वभावस्त्वं यमारिरतिभीषणः ।
कायवज्रप्रतीकाश सङ्गपाणे नमो ऽस्तु ते ॥

सर्वबुद्धस्वभावस्त्वं सर्वबुद्धैकसंग्रहः ।
सर्वबुद्धवराग्राग्र्य मण्डलेश नमो ऽस्तु ते ॥