યોગયાત્રા · અધ્યાય 13

અન્તઃપુરાદ્ વા સ્વનિવેશનાદ્ વા સિંહાસનાદ્ અગ્નિપરિસ્તરાદ્ વા।
કુર્યાન્ નરેન્દ્રઃ પ્રથમં પ્રયાણં વિપ્રૈઃ શતાગ્રૈઃ કૃતમઙ્ગલાશીઃ॥

દ્વિજો વિષ્ણુક્રમાદ્ ભૂયં મન્ત્રેણાનેન દાપયેત્।
ઇદં વિષ્ણુર્ વિચક્રમ ઇત્ય્ એવં પાદમ્ ઉદ્ધરેત્॥

અમુકસ્ય વધાયેતિ દક્ષિણં ક્ષિતિપો ન્યસેત્।% કને વ્. 621
મઙ્ગલાનિ તતઃ પશ્યન્ સ્પૃશન્ શૃણ્વન્ નૃપો વ્રજેત્॥

વેદાઙ્ગવેદધ્વનિશઙ્ખભેરીમૃદઙ્ગપુણ્યાહપુરાણશબ્દાઃ।
ધર્મર્થશાસ્ત્રાણિ ચ ભારતં ચ રામાયણં મઙ્ગલકીર્ત્તનાનિ॥

વાચઃ શુભાઃ સારસચાષવર્હિણઃ કાદમ્બહંસાશ્ ચ સજીવજીવકાઃ।
કાકશ્ ચ પઙ્કાક્તવરાહપૃષ્ઠગઃ શ્રીવૃક્ષવાલવ્યજનાનિ ચન્દનમ્॥

ગૌર્વત્સલા ઽજો રુચકઃ પ્(ર્)ઇયઙ્ગુલાજા નૃયુક્તશ્ ચ રથાઃ પતાકા।
સર્વૌષધી સ્વસ્તિકપૂર્ણપાત્રાણ્ય્ અશ્વો ઽથ દૂર્વાદ્રકગોમયં ચ॥

સરાંસ્ય્ અશોષ્યાનિ સરિત્સમુદ્રા રુદ્રેન્દ્રલોકેશમહીધ્રનાગાઃ।
દિશો ગ્રહર્ક્ષાણિ શિવઃ સુપર્ણઃ સ્કન્દો વિશાખો મરુતશ્ ચ સાધ્યાઃ॥

ભૂર્ દ્વાદશાર્કા વસવો ઽશ્વિનૌ ચ સ્વાહા શાચી માતૃગણો ભવાની।
પત્ન્યો જનન્યશ્ ચ સુરાસુરાણાં સાધ્યોગણાશ્ ચાપ્સરસઃ સવિદ્યાઃ॥

યક્ષાઃ સસિદ્ધા મુનયઃ સજાયાઃ પર્જન્યકમ્પદ્રુમમારુતાશ્ ચ।
પ્રજાપતિઃ સર્વગતશ્ ચ વિષ્ણુઃ શિવાય તે ભૂપ ભવન્તુ યાને॥

સિદ્ધાર્થકાદર્શપયોઞ્જનાનિ બદ્ધૈકપશ્વામિષપૂર્ણકુમ્ભાઃ।
ઉષ્ણીષભૃઙ્ગારનૃવર્ધમાનપુંયાનવીણાતપવારણાનિ॥

દધિ મધુ ઘૃત રોચના કુમારી ધ્વજકનકામ્બુજભદ્રપીઠશઙ્ખાઃ।
સિતવૃષકુસુમામ્બરાણિ મીનદ્વિજગણિકાપ્તજનાશ્ ચ ચારુવેષાઃ॥

જ્વલિતશિખિફલાક્ષતેક્ષુભક્ષ્યા દ્વિરદમૃદઙ્કુશચામરાયુધાનિ।
મરકતકુરુવિન્દપદ્મરાગાઃ સ્ફતિકમણિપ્રમુખાશ્ ચ રત્નમેદાઃ॥

સ્વયમ્ અથ રચિતાન્ય્ અયત્નતો વા યદિ કથિતાનિ ભવન્તિ મઙ્ગલાનિ।
સ જયતિ સકલાં તતો ધરિત્રીં પ્રહણદૃગાલભનશ્રુતૈર્ ઉપાસ્ય॥

કાર્પાસૌષધકૃષ્ણધાન્યલવણક્લીવાસ્થિતૈલં વસા
પઙ્કાઙ્ગારગુડાહિચર્મશકૃતઃ કેશાય સવ્યાધિતાઃ।
વાન્તોન્મત્તજડેન્ધનતૃણતુષક્ષુત્ક્ષામતક્રારયો
મુણ્ડાભ્યક્તવિમુક્તકેશપતિતાઃ કાષાવિનશ્ ચાશુભાઃ॥

પટુપટહમૃદઙ્ગશઙ્ખભેરીવણવરદં સપતાકતોરણાગ્રમ્।
પ્રચુરકુસુમતોયશાન્તરેણું સુરભિસુવેષજનં વ્રજેચ્ ચ માર્ગમ્॥

યાન્ય્ અત્ર મઙ્ગલામઙ્ગલાનિ નિર્ગચ્છતાં પ્રદિષ્ટાનિ।
સ્વપ્નેષ્વ્ અપ્ય્ એતાનિ શુભાશુભાનિ વિડ્લેપનં ધન્યમ્॥