યોગયાત્રા · અધ્યાય 10

આરિરાધયિષુણા નરાધિપં વારણાશ્રિતમ્ ઇદં શુભાશુભમ્।
જ્ઞેયમ્ આદરવતા વિપશ્ચિતા વારણેષુ નૃપતેર્ જયસ્થિતિઃ॥

સાર્દ્ધં હસ્તશતં દૈર્ઘ્યા સાવંશં વિપુલા શતમ્।
ચતુરસ્ત્રા ઽથવા વૃત્તા વારી વારણવૃદ્ધિદા॥

દશાવગાહેન કરા વિસ્તીર્ણા દશ ચોપરિ।
અધઃખાતસ્ય પદવી હસ્તમાત્રા પ્રકીર્તિતા॥

કર્ત્તવ્યં પૂર્વતો દ્વારમ્ ઉત્તરં વા શુભાવહમ્।
દક્ષિણં પશ્ચિમં વા ઽપિ ન કર્ત્તવ્યં કથઞ્ ચન॥

મેઢકસ્તમ્ભમાત્ તૃણાં વૃક્ષાગ્રં નાવનૌ ક્ષિપેત્।
પૂર્વાપ્રાચ્ ચોત્તરાગ્રાચ્ ચ સંયોજ્યા નિત્યમ્ અર્ગલા॥

દશ વિસ્તારતો દ્વારં પાર્શ્વયોસ્ તસ્ય માતૃકાઃ।
ચતુર્દશ કરોત્સેધા નિઃખાત્ય ચતુરઃ કરાન્॥

ષટ્ ષણ્મેઢાન્તરસ્થાશ્ ચ મેઢકાઃ પઞ્ચ પઞ્ચ ચ।
ચતુર્હસ્તનિખાતાસ્ તે સમુચ્છ્રાયાન્ વદામ્ય્ અતઃ॥

ષટ્ સપ્તાષ્ટનવોત્સેધા દશ વેતિ યથાક્રમમ્।
નવ વા દશ વા વેધા માતૃકા યાઃ ષડઙ્ગુલાઃ॥

વેધહાન્યાવશેષાઃ સ્યુર્ માતૃકાઃ ક્રમશો ઽપરાઃ।
ઇતિ દ્વારસમાસો ઽયં વાર્ય્યાસ્ સંપરિકીર્ત્તિતઃ॥

મધ્વાભદન્તાઃ સુવિભક્તદેહા ન ચોપદિગ્ધા ન કૃશાઃ ક્ષમાશ્ ચ।
ગાત્રૈઃ સમૈશ્ ચાપસમાનવંશા વારાહતુલ્યૈર્ જઘનૈશ્ ચ ભદ્રાઃ॥

વક્ષો ઽથ કક્ષા વલયઃ શ્લથશ્ ચ લમ્બોદરસ્ ત્વગ્વૃહતી ગલશ્ ચ।
સ્થૂલા ચ કુક્ષિઃ સહ મેચકેન સૈંહી ચ દૃગ્મન્દમતઙ્ગજસ્ય॥

મૃગાસ્ તુ હ્રસ્વાધરબાલમેઢ્રાસ્ તન્વઘ્રિકણ્ઠદ્વિજહસ્તકર્ણાઃ।
સ્થૂલેક્ષણાશ્ ચેતિ યથોક્તચિહ્નૈઃ સઙ્કીર્ણનાગા વ્યતિમિસ્રચિહ્નાઃ॥

પઞ્ચોન્નતિઃ સપ્ત મૃગસ્ય દૈર્ઘ્યમ્ અષ્ટૌ ચ હસ્તાઃ પરિણાહમાનમ્।
એકદ્વિવૃદ્ધાવ્ અથ મન્દભદ્રૌ સંકીર્ણનાગો ઽનિયતપ્રમાણઃ॥

ભદ્રસ્ય વર્ણો હરિતો મદસ્ય મન્દસ્ય હારિદ્રિકસન્નિકાશઃ।
કૃષ્ણો મદશ્ ચાભિહિતો મૃગસ્ય સંકીર્ણનાગસ્ય મદો વિમિશ્રઃ॥

સ્થપતિર્ અતઃ પ્રયતો ગજશાલાં નરપતિમન્દિરદક્સિણભાગે।
અવનિગુણાન્ અવલોક્ય વિદધ્યાત્ કૃતબલિહોમસુરાચનશાન્તિઃ॥

યાતુધાનદિતિસર્પસઙ્કુલા સન્નિકૃષ્ટવિબુધદ્વિજાલયા।
શર્કરાસ્થિચયભસ્મદૂષિતા પાર્થિવદ્વિરદદોષદા મહી॥

કિઞ્ચિદ્ અભ્યુન્નતા ભૂઃ પ્રશસ્તદ્રુમા ગોભિર્ અધ્યાસિતા સાધુ મધ્યે સમા।
ભૂરિતોયા ઽઘના હૃદ્દૃગાહ્લાદિની શલ્યદોષૈર્ વિના સાનુનાદસ્વના॥

સ્નિગ્ધપલ્લવદ્રુમા પ્રદક્ષિણામ્બુવાહિની।
સ્વરાષ્ટ્રવૃદ્ધિદા મહી હિતા ઽથ નાગવાજિનામ્॥

ભદ્રમન્દમૃગમિશ્રદન્તિનાં શ્વેતરક્તકનકોપમાસિતાઃ।
ભૂમયો દ્વિરદપુષ્ટિવૃદ્ધિદા ભૂભૃતામ્ અપિ યશઃ સુખાવહાઃ॥

જ્યેષ્ઠા ચતુર્વિંશતિર્ એવ હસ્તા દ્વિદ્વ્યૂનિતે મધ્યજઘન્યશાલે।
વિસ્તારતસ્ તદ્દ્વિગુણાશ્ ચ દીર્ઘાસ્તમ્ભાશ્ ચ વિસ્તારસમુચ્છ્રિતાઃ સ્યુઃ॥

જ્યેષ્ઠો ઽઙ્ગુલાનિ બહુલો દશષડ્યુતાનિ મધ્યસ્ તુ પઞ્ચદશ કન્યસ્?ઓ ઽઙ્ગુલોનઃ।
સ્તમ્ભપ્રમાણવિપુલાઃ ક્રમશો નિષઙ્ગાઃ પ્રોક્તાઙ્ગુલાર્દ્ધસદૃશં બહુલત્વમ્ એષામ્॥

સર્વાસુ શાલાસુ ચ કણ્ટકસ્ય હસ્તો ઽર્ધયુક્તઃ પરિણાહ ઉક્તઃ।
કણ્ટપ્રમાણેન સમુન્નતશ્ ચ તલપ્રવન્ધો દૃઢદારુબન્ધઃ॥

અલિન્દભિત્તૌ તુ ગવાક્ષકેષુ કુર્યાદ્ ગુણદ્વારકજાલકાંશ્ ચ।
નિર્બ્યૂહયુક્તાસુ ચ વેદિકાસુ કાર્યા બિભૂષા પરિતો મયોક્તા॥

કમલોત્પલહંસયુગપ્રમથૈઃ પ્રમદાયુગપત્રવિહઙ્ગઘટૈઃ।
વિવિધૈસ્ તરુભિઃ સશુકભ્રમરૈઃ ફલપલ્લવપુષ્પભરાવનતૈઃ॥

વ્યાલકકુઞ્જરમત્સ્યમૃગેન્દ્રૈઃ કન્દમ્ર્ણાલલતાંકુરશોભૈઃ।
વારિચરૈશ્ ચ ચિતા મકરાદ્યૈઃ શિક્ષિતશિલ્પિવિનિર્મિતરૂપા॥

દ્વારોચ્છ્રાયાઃ કુઞ્જરાણામ્ અતુલ્યા વિસ્તારો ઽસ્ય ત્ર્યંશહીનઃ સ એવ।
હીનો ભૂયશ્ ચાત્મષષ્ઠાંશકેન શાલાદ્ દ્વારં પ્રાગુદક્ ચ પ્રશસ્તમ્॥

વિચિત્રનિર્વ્યૂહમૃગેન્દ્રપઞ્જરં કપાટમેઢાર્ગલસુપ્રયોજિતમ્।
સુવેદિકાલઙ્કૃતમ્ ઈક્ષણપ્રિયં પ્રવેશનં નિર્ગમનાય ચાપરમ્॥

ચન્દનાર્જુનશિરીષમધૂકા દેવદારુસરલાઞ્જનશાલાઃ।
રોહિણીખદિરચમ્પકશાકાઃ સ્યન્દનશ્ ચ સકદમ્બવિશોકાઃ॥

શીતાઃ શિવાશ્ ચ દ્વિપબન્ધનાર્થમ્ એતે દ્રુમાઃ પુષ્ટિકરા દ્વિપાનામ્।
સ્તમ્ભાર્થમ્ અન્યે ઽપિ હિ સારવન્તઃ કાર્યાઃ પ્રશસ્તા ગુણસંપ્રયુક્તાઃ॥

પૂર્વાભિમુખો નિબધ્યતે યઃ ક્ષિપ્રં સ કરોતિ વિક્રમમ્।
રાજ્ઞસ્ સમરેષ્વ્ અનિર્જિતો દીર્ઘં ચાયુર્ અવાપ્નુયાદ્ ગજઃ॥

દક્ષિણદિગ્વદનસ્ય ચ બન્ધો જીવિતનાશકરો દ્વિરદસ્ય।
ધાન્યધનક્ષયમ્ આશુ ચ કુર્યાન્ મન્ત્રિજનસ્ય નરાધિપતેશ્ ચ॥

પશ્ચાન્ મુખં બન્ધમ્ અવાપ્ય નાગો નિત્યં ભવેદ્ રોગનિપીડિતાઙ્ગઃ।
નાશઞ્ ચ વિત્તસ્ય કરોતિ રાજ્ઞસ્ તસ્માત્ સ યામ્યાપરદિગ્વિવર્જ્યઃ॥

ઉદઙ્મુખં બન્ધમ્ ઉપૈતિ નાગો યો ઽર્થસ્ય વૃદ્ધિં સ કરોતિ ભર્તુઃ।
પ્રાપ્નોતિ પુષ્ટિં ચિરજીવિતાઞ્ ચ સંગ્રામકાલેષ્વ્ અપરાજયઞ્ ચ॥

સુષિરોર્ધ્વશુષ્કકોટરકોલાક્ષપ્રન્થિબહુલશૂલાગ્રાઃ।
મધુનિલયમૂલહીનાગ્રકુઞ્જબલ્લીવ્રણાનુગતાઃ॥

વામાવર્ત્તઃ શૃઙ્ગી કુણિલો ઽવનતો ઽનુજાતવિદ્ધશ્ ચ।
પિતૃવનજઃ સ્થૂલાપ્રસ્ત્રિકુબ્જકો દ્રાણિકાવહુતઃ?॥

સ્થૂલગ્રન્થિર્ વજ્રેણ ચૂર્ણિતશ્ ચાશુભપ્રદાઃ।
સર્વે બન્ધાર્થે નાગાનામ્ અતઃ ફલાનિ પ્રવક્ષ્યામિ॥

માસાન્ ષડૂર્ધ્વસુષિરે સ્તમ્ભે ચ બન્ધમાસાદ્ય।
મરણમ્ ઉપયાતિ નાગો નિપીડિતો વાતરોગેણ॥

મ્રિયતે કોટરવિદ્ધે કોલાક્ષે ઽન્ધત્વમ્ આપ્નુયાદ્ નાગઃ।
ક્ષુત્પીડાં ગ્રન્થિચિતે મૃત્યું શૂલેન શૂલાગ્રે॥

મૂલાગ્રકુબ્જહીનેષુ મરણમ્ અબ્દાત્ સહૈવ હસ્તિન્યાઃ।
શૃઙ્ગિનિ મૃત્યુર્ મધુદૂષિતે ચ મરણં કૃમિગદેન॥

ગાત્રસ્ય ભવતિ ભઙ્ગો બલ્લીદુષ્ટે ઘ્રાણાવકીર્ણે ચ।
વામાવર્ત્તે નૃપતેર્ વિનશ્યતે વાહનં સર્વમ્।

મૃદ્ગર્ભે કુણિલાખ્યે નૃપતેઃ સમહાજનસ્ય મરણાય।
નાગસ્ય તુ ત્રિકુબ્જે ભવતિ બધો યુધ્યતઃ સ્તમ્ભે॥

અનુજાતવિદ્ધબદ્ધઃ સુકુમારો વારણો મરણમ્ એતિ।
વર્ષદ્વયેન મૃત્યુઃ પિતૃવનજાતે નિબદ્ધસ્ય॥

સ્થૂલાગ્રાનતયોર્ મરણમ્ એતિ માસે ઽષ્ટમે મહામાત્રઃ।
દ્વિરદસ્ય ક્ષુત્પીડા બદ્ધસ્ય દ્રોણિકાબહુલે॥

સ્થૂલગ્રન્થિર્ વિસ્ફોટમૃત્યુકૃદ્ દન્તિનો દ્વિતીયે ઽબ્દે।
અશનિહતે વિજ્ઞેયઃ ષણ્માસાદ્ દન્તિનાં મૃત્યુઃ॥

પ્રદક્ષિણાવર્ત્તમનોજ્ઞવૃતસુસ્નિગ્ધઋજ્વવ્રણસારવન્તઃ।
દોષૈર્ વિહીના વિજયાય શુદ્ધાઃ સ્તમ્ભા દ્વિપાનાં બલપુષ્ટિદાઃ સ્યુઃ॥

યઃ સમ્પાતઃ કર્ણસૂત્ર?દ્વયસ્ય તસ્માદ્ ધસ્તં સાર્દ્ધમ્ ઉત્સૃજ્ય કાર્યઃ।
દિશ્ય્ ઐશાન્યાં બન્ધનાર્થં દ્વિપાનાં સ્તમ્ભો રાજ્ઞઃ શ્રેયસે દન્તિનશ્ ચ॥

આગ્નેય્યાં દ્વિપમરણં નૃપાર્થહાનિર્ નૈરૃત્યાં સમરપરાભવાર્થનાશૌ।
મારુત્યાં ભવતિ મતઙ્ગજસ્ય રોગઃ સ્તમ્ભો ઽતઃ શિવદિશિ રોપિતઃ શિવાય॥

જ્યેષ્ઠો દશોચ્ચો નવ મધ્યમશ્ ચ સ્તમ્ભો ઽષ્ટહસ્તઃ કથિતઃ કનીયાન્।
સર્વે નિખાતાશ્ ચતુરશ્ ચ હસ્તાન્ માનાધિકોનાશ્ ચ શિવાય ન સ્યુઃ॥

સ્યાદ્ વિંશતિર્ દ્વિત્રિચતુર્વિહીના મૂલે ઽઙ્ગુલાનાં પૃથુતા ક્રમેણ।
દ્વ્યૂનાનિ તાન્ય્ એવ હિ મસ્તકે સ્યુઃ પર્યન્તવેષ્ટા ત્રિગુણાનિ તાનિ॥

તામ્રૌષ્ઠતાલુવદનાઃ કલવિઙ્કનેત્રાઃ સ્નિગ્ધોન્નતાગ્રદશનાઃ પૃથુલાયતાસ્યાઃ॥(બૄ 21.2, બ્ષ્ 66.6)
ચાપોન્નતા યતનિગૂઢનિમગ્નવંશાસ્ તન્વેકરોમચિતકૂર્મસમાનકુમ્ભાઃ॥

વિસ્તીર્ણકર્ણહનુનાભિલલાટગુહ્યાઃ કૂર્મોન્નતૈર્ દ્વિનવવિંશતિભિર્ નખૈશ્ ચ।(બૄ 21.3, બ્ષ્ 66.7)
રેખાત્રયોપચિતવૃત્તકરાઃ સુબ?લા ધન્યાઃ સુગન્ધિમદપુષ્કરમારુતાશ્ ચ॥

દીર્ઘાઙ્ગુલિરક્તપુષ્કરાઃ સજલામ્ભોદનિનાદવૃંહિણઃ।(બૄ 21.4, બ્ષ્ 66.8)
બૃહદાયતવૃત્તકન્ધરા ધન્યા ભૂમિપતેર્ મતઙ્ગજાઃ॥

નિર્મદાભ્યધિકહીનનખાઙ્ગાન્ કુબ્જવામનકમેષવિષાણાન્।(બૄ 21.5, બ્ષ્ 66.9)
દૃશ્યકોશફલપુષ્કરદીનાન્ શ્યાવનીલશવલાસિતતાલૂન્॥

સ્વલ્પવક્ત્રરુહમત્કુણષણ્ઢાન્ હસ્તિનીઞ્ ચ ગજલક્ષણયુક્તામ્।(બૄ 21.6, બ્ષ્ 66.10)
ગર્ભિનીઞ્ ચ નૃપતિઃ પરદેશં પ્રાપયેદ્ અતિબિરૂપફલાસ્ તે॥

દન્તમૂલપરિણાહદીર્ઘતાં દ્વિઃપ્રમુચ્ય પરતો ઽસ્ય કલ્પયેત્।(બૄ 21.7)
શ્યાવપૂ?તિમલરક્તદર્શનં પાપસત્ત્વસદૃશં ચ પાપદમ્॥

પાર્થિવોપકરણાકૃતિં યદા ચિહ્નમ્ ઉદ્વહતિ કલ્પિતે રદે।(બૄ 21.8)% હ્ન્ બ્
શ્રીજયાર્થવલવૃદ્ધયસ્ તદા સ્નિગ્ધશુક્લરુચિરાશ્ ચ શોભનાઃ॥

દક્ષિણે શુભમ્ અતીવશોભન પાપમ્ અપ્ય્ અતિવિરૂપમ્ અન્યતઃ।(બૄ 21.9)
જાપ્યતા ભવતિ તદ્ વિપર્યયે વિસ્તરો ઽન્યમુનિભિઃ પ્રકીર્ત્તિતઃ॥

મૂલમધ્યદશનાગ્રસંસ્થિતા દેવદૈત્યમનુજાઃ ક્રમાત્ તતઃ।(બૄ 21.10)
સ્ફીતમધ્યપરિપેલવં ફલં શીઘ્રમધ્યચિરકાલસંભવમ્॥

દન્તભઙ્ગફલમ્ અત્ર દક્ષિણે ભૂપદેશબલવિદ્રવપ્રદમ્।(બૄ 21.11)
વામતઃ સુતપુરોહિતે ભયં હન્તિ ભૃત્યજનદારનાયકાન્॥

આદિશેદ્ ઉભયભઙ્ગદર્શનાત્ પાર્થિવસ્ય સકલં કુલક્ષયમ્।(બૄ 21.12)
સૌમ્યલગ્નતિથિભાદિભિઃ શુભં વર્દ્ધતે શુભમ્ અતો ઽન્યથાપરમ્॥

ક્ષીરમિષ્ટફલપુષ્પપાદપૈશ્ ચાપગાતટવિઘટ્ટનેન વા।(બૄ 21.13)
વામમધ્યરદભઙ્ગખણ્ડનં શત્રુનાશકૃદ્ અતો ઽન્યથાપરમ્॥

સ્ખલિતગતિર્ અકસ્માત્ ત્રસ્તકર્ણો ઽતિદીનઃ શ્વસિતિ મૃદુ સુદીર્ઘં ન્યસ્તહસ્તઃ પૃથિવ્યામ્।
દ્રુતમુકુલિતદૃષ્ટિઃ સ્વપ્નશીલો વિલોમો ભયકૃદ્ અહિતભક્ષી નૈકશો ઽસૃઅક્ શકૃત્કૃત્॥

વલ્મીકસ્થાણુગુલ્મેક્ષુતરુવિમથનઃ સ્વેચ્છયા હૃષ્ટદૃષ્ટિર્
યાયાદ્ યાત્રાનુલોમં ત્વરિતપદગતિર્ વક્ત્રમ્ ઉન્નામ્ય ચોચ્ચૈઃ।
કક્ષ્યાસદ્માહકાલ્ જનયતિ ચ મુહુઃ શીકરં બૃંહતે વા
તત્કાલં વા મદાપ્તિર્ જયકૃદ્ અથ રદં વેષ્ટયન્ દક્ષિણશ્ ચ॥

પ્રવેશનં વારિણિ વારણસ્ય ગ્રાહેણ નાશાય ભવેન્ નૃપસ્ય।
ગ્રાહં ગૃહીત્વાત્ તરણં દ્વિપસ્ય તોયાત્ સ્થલે વૃદ્ધિકરં નૃભર્તુઃ॥

રણે જિત્વા શત્રૂન્ ભવતિ નૃપલક્ષ્મીઃ ક્ષિતિભૃતાં
જયસ્ તેષાં યેષાં મદમલિનગણ્ડાઃ કરિવરાઃ।
ભિનત્ય્ એકો મત્તઃ પરવલમમત્તેભબહુલં
યતો ઽતો ઽહં વક્ષ્યે કરિમદકરં દ્રવ્યનિચયમ્॥

જાતીગુડૂચીકદલીતિલાનામ્ આસ્ફોતકર્પાસવલાન્વિતાનામ્।
માર્ગી સનીલીગિરિકર્ણિકાનાં ધત્તૂસ્કસ્યન્દનમાષભાગઃ॥

કલમ્બુકા કર્ણકમાપપર્ણીં પુનર્નવા ભૃઙ્ગરજો ઽશ્વગન્ધાઃ।
શેફાલિકાંસોટકકચ્છુરાશ્ ચ કોશાતકી ગોક્ષુરકં વિદારી॥

વિષ્ણુક્રાન્તા દુગ્ધિકા શાલપર્ણી ખટ્વાપાદી વાકુચી વસ્તગન્ધા।
વ્યાઘ્રી ચ સ્યાત્ પૃષ્ણિપર્ણી મૃણાલં પટોરકઃ સલ્લકી તન્દુલીયઃ॥

એતૈર્ યથાસંભવસમ્પ્રયુક્તૈર્ મત્તસ્ય નાગસ્ય મદાભિવૃદ્ધિઃ।
દાનપ્રમેદશ્ ચ મદોજ્ઝિતસ્ય સર્વાઙ્ગશોભા ચ મુખે ઽતિરિક્તા॥

જીવકમધૂકધન્વનપટેરકઙ્કોલકદલિઋષભાણામ્।
સૌભાઞ્જનનિમ્બેઙ્ગુદપરુષકાણાઞ્ ચ મૂલાનિ॥

મૂલાનિ શતાવર્યાઃ કાકોલી ક્ષીરસંજ્ઞકાકોલી।
શ્લેષ્માન્તકશાલ્મલિશલ્લકીજટાઃ સ્યુર્ બિમ્દાયશ્ ચ॥

કાશીસાશ્મન્તકરાજમાષમૂલાનિ ચૈવમ્ એતાનિ।
સર્વાણિ વક્ત્રશાભાં જનયન્તિ સદૈવ નાગાનામ્॥

નીલીપત્રૈશ્ ચૂર્ણિતૈર્ માષચૂર્ણો દધ્ના યુક્તો માહિષેણૈવ પિણ્ડઃ।
નાગેન્દ્રાણામ્ આશુ ઘત્તે મદાપ્તિં નીલ્યેકૈવ દ્રવ્યવર્ગે પ્રધાના॥

એકૈવ કરોતિ કાકજઙ્ઘા હ્ય્ એકેકૈવ ચ માષમુદ્ગપર્ણી।
તામ્બૂલવનાર્દ્રવૃશ્ચિકાલ્ષશ્ ચૈકૈકા મદદાસ્ તથૈવ મુસ્તાઃ॥

કાર્પાસ્યેકા ચઞ્ચુસંયોજિતા વા જ્ઞેયા ચૈકા કણ્ટકી શૈલિકાખ્યા।
એકઃ શસ્તો બલ્કલઃ સ્ફૂર્જકસ્ય જાતી ભૃઙ્ગેનાન્વિતો વા કુઠેરઃ॥

એવમ્ એવેઙ્ગુદીમૂલં મદપ્રાચુર્યકારકમ્।
એકા ચ શ્વેતકામ્બોજી શ્વેતા ચૈકા ઽપરાજિતા॥

સમૂલો વીરણસ્તમ્બઃ સમૂલા મલ્લિકા તથા।
મદપ્રાચુયસૌરમ્યં કુર્વન્તીન્દીવરાણિ ચ॥

સુરસા ગણ્ડસંયુક્તા પુનર્ નવા ગોમયે ઽથવા સ્વિન્ના।
વારાહીમૂલાનિ ચ નિન્દન્તિ ગુડેન યુક્તાનિ॥

મધ્વાલુકા મધુયુતા મુખશોભામ્ આતનોતિ નાગાનામ્।
નેક્ષ્વાહારસ્ય હિતો ગુડેન પિણ્ડો હિતો દધ્ના॥

માષાશિનાં ગુડયુતસ્તૃણાશિનાં શસ્યતે વસાયુક્તઃ।
વ્યતિમિશ્રાહારાણાં વિજ્ઞાય બલાબલં દદ્યાત્॥

પ્રાયો મદસ્ય પવનઃ કુરુતે વિઘાતં સ્રોતાંસ્ય્ અતો ઘૃતયુતૈર્ બહુશો ઽસ્ય પિણ્ડૈઃ।
સ સ્વેદયેદ્ ભવતિ યેન મદપ્રવૃદ્ધિર્ ભિન્નસ્ય ચાપિ મદવૃદ્ધિકરાણિ દદ્યાત્॥એ81