યોગયાત્રા · અધ્યાય 9

ઊર્ધ્વા તિર્યગ્ વાનતા સ્યાચ્ ચ હોરા મુક્તા ક્રાન્તા નાગતાર્કા ક્રમેણ।
ઇત્ય્ એતાઃ સ્યુર્ જીવશર્મોપદેશે જ્ઞેયો રાશિર્ બ્રહ્મષણ્ડસ્ય પક્ષે॥

ઊર્ધ્વા સ્યાદ્ યા ષટ્ચરાદ્યેષુ હોરા ભૂયો ભૂયો મણ્ડલે કૈશ્ચિદ્ ઉક્તા।
રાશૌ રાશૌ પ્રાગ્વિલગ્નોપયાતૈઃ દ્રેક્કાણૈસ્ તુ પ્રાહ હોરાં વસિષ્ઠઃ॥

સર્વં પ્રમાણં મુનિચોદિતત્વાત્ કિં ત્વ્ અત્ર યોજ્યં દલમ્ એવ હોરા।
યસ્મિન્ સહસ્રાંશુરવસ્થિતો ઽર્ધે તિર્યઙ્મુખી સા ગણયે તતો ઽન્યાઃ॥

ધત્તે વાંછિતકાર્યમ્ ઊર્ધ્વવદના ક્લેશાદ્ વિના લગ્નગા
ક્લેશાયાસપરિક્ષયાંશ્ ચ કુરુતે તિર્યઙ્મુખી ગચ્છતઃ।
સૈન્યભ્રંશમ્ અધોમુખી પ્રકુરુતે કૃચ્છ્રાદ્ ગૃહે ચાગમં
સ્ર્વાઃ પુષ્ટફલપ્રદાઃ સ્વપતિના દૃષ્ટા ન પાપગ્રહૈઃ॥

ગ્રહદિવસફલં યદ્ એવ યાતુર્ તદ્ અખિલમ્ એવ કરોતિ તસ્ય હોરા।
હિમસલિલસૃજો વિનાહ કશ્ચિદ્ યુવતિસમાશ્રયરત્નદેતિ ચાન્દ્રી॥

દ્રેક્કાણાકારચેષ્ટાગુણસદૃશફલં યોજયેદ્ વૃદ્ધિહેતોર્
દ્રેક્કાણે સૌમ્યરૂપે કુસુમફલયુતે રત્નભાણ્ડાન્વિતે ચ।
સૌમ્યૈર્ દૃષ્ટે જયઃ સ્યાત્ પ્રહરણસહિતે પાપદૃષ્ટે ચ ભઙ્ગઃ
સાગ્નૌ દાહો ઽથ બન્ધઃ સભુજગનિગલે પાશયુક્તે ચ યાતુઃ॥

નૃપભૂર્તિર્ લગ્નગતે દ્રેક્કાણે મન્ત્રિણો દ્વિતીયે ચ।
વૈદ્યપુરોહિતસામ્બત્સરાસ્ તૃતીયે પરે ભૃત્યાઃ॥

સ્થાનપરાક્રમચિન્તા વ્યાપારપરાક્રમૌ ચમૂપબલમ્।
અભ્યવહાર્યં શયનાસને ચ તત્પંચસુ ક્રમશઃ॥

યાનાસનશય્યાવાહનાનિ દશમે ઽપરે ઽન્નપાનાનિ।
વાહનયોધાઃ પરતસ્ ત્રયોદશે ભવતિ યુવરાજા॥

જ્ઞેયં બલં પ્રયાતુર્ મન્ત્રસ્ય વિનિશ્ચયશ્ ચ તત્પરતહ્।
તરતઃ પઞ્ચદશાદ્યે દ્રેક્કાણચતુષ્ટયે રિપવઃ॥

એકોનવિંશકે સૈનિકામ્બુશયને ધનાનિ પરતો ઽર્થાઃ।
પરતો ઽસ્ય દણ્ડનેતા સૈમ્યસ્યોપદ્રવઃ પ્રરતઃ॥

સેનાચ્છિદ્રં તસ્માત્ સેનાનેતા ભવેચ્ ચતુર્વિંશે।
સૈન્યારોગ્યં સૈન્યં ચતુષ્પદં ચ ક્રમાત્ ત્રિતયે॥

કાર્યં કોશઃ ફલસિદ્ધયસ્ ત્રયે ભૂમિપાસ્ ત્રયે પરતઃ।
ધર્મક્રિયાથ યોધાર્ચનં ચ યાત્રાસમાપ્તિશ્ ચ॥

ઇત્ય્ ઉદયાદ્યા ભાવા દ્રેક્કાણૈર્ યે મયા સમુદ્દિષ્ટાઃ।
સદસત્ફલમ્ આદેશ્યં સદસદ્યુતવીક્ષણાત્ તેષામ્॥

નવભાગે તિગ્માંશોર્વાહનનાશો વિલગ્નસંપ્રાપ્તે।
કૃચ્છ્રાત્ સ્વગૃહાગમનં પ્રતાપમૃદુતા ચ ચન્દ્રાંશે॥

કૌજે ઽગ્નિભયં બૌધે મિત્રપ્રાપ્તિર્ ધનાગમો જૈવે।
ભોગવિવૃદ્ધિઃ શૌક્રે ભૃત્યવિનાશો રવિસુતાંશે॥

યદ્ ઉદયતિ ફલં ગ્રહે પ્રદિષ્ટં જનયતિ તસ્ય નવાંશકો વ્લગ્ને।
સુભભવનનવાંશે સહાયો રિપુબલભાગમ્ ઉપૈતિ યાતુર્ અત્ર॥

યત્ પ્રોક્તં રાશ્ય્ ઉદયે દ્વાદશભાગે ઽપિ તત્ ફલં વાચ્યમ્।
યચ્ ચ નવાંશકવિહિતં ત્રિંશાંશસ્યોદયે તત્ સ્યાત્॥એ18