યોગયાત્રા · અધ્યાય 8

દ્વિપદવશગાઃ સર્વે સિંહં વિહાય ચતુષ્પદાઃ સલિલનિલયાભર્ક્ષાવશ્યાઃ સરીસૃપજાતયઃ।
મૃગપતિવશે તિષ્ઠન્ત્ય્ એતે વિહાય સરીસૃપાન્ ન કથિતગૃહેષૂહ્યં વશ્યં જનવ્યવહારતઃ॥

સ્થલજલજસરીસૃપાઃ સ્વકાનાં બલમ્ અભિવીક્ષ્ય વિધેયતાં ભજન્તે।
વિષમગૃહવશે સમા દ્યુસંસ્થા નિશિ વિષમા વશવર્તિનઃ સમાનામ્॥

શીર્ષોદયે સમભિવાંછિતકાર્યસિદ્ધિઃ પૃષ્ઠોદયે વિફલતાં બલવિદ્રવશ્ ચ।
યાતવ્યદિઙ્મુખગતસ્ય સુખેન સિદ્ધિર્ વ્યર્થશ્રમો ભવતિ દિક્પ્રતિલોમલગેન્॥

શસ્તં દિવા દિનબલે નિશિ નક્તવીર્યે રાશૌ વિપર્યયબલે ગમનં ન શસ્તમ્।
ઇન્દ્વર્કલગ્નસહિતેષુ ગમશ્ચરાદ્યેષ્વ્ અન્યસ્વકોભયમહીપ્રતિવૃદ્ધિદાતા॥

મીનોદયે પ્રવસતઃ કુટિલઃ સદોષો માર્ગે ભવત્ય્ અકૃતકાર્યનિવર્તનમ્ ચ।
અન્યાંશકેષ્વ્ અપિ ઝષે ફલમ્ એતદ્ એવ મીનાંશકેષુ ચ પરર્ક્ષસમાશ્રિતેષુ॥

રિપુનિધને રિપુનિધનં રિપુષષ્ઠે લગ્નગે વધો યાતુઃ।
સત્યાનુશાસનમ્ ઇદં વાસિષ્ઠે નાયમ્ એકાન્તઃ॥

શત્રોઃ પ્રસૂતિસમયે યદિ નિધનં સંયુતં ગ્રહૈઃ પાપૈઃ।
સૌમ્યયુતં વા ષષ્ઠં સદસત્ફલતા તતસ્ તાભ્યામ્॥

ક્લેશાદ્ વિના ફલમ્ અરિક્ષયમ્ અર્થસિદ્ધિં પ્રાપ્નોતિ લગ્નસહિતે પ્રવસન્ સ્વલગ્ને।
અર્થક્ષયં શ્રમમનર્થમતો દ્વિતીયે કલ્યાણસૌખ્યવિભવાગમમ્ આહુર્ એકે॥

ભૃત્યાર્થવાહનસહાયજયાસ્ તૃતીયે બન્ધાર્થનાશભયસૈન્યવધાશ્ ચતુર્થે।
મન્ત્રોપજાપવિપદાત્મજભે ઽરિવૃદ્ધિઃ ષષ્ઠે ઽરિવિત્તબલદીપ્તિજયાગમાશ્ ચ॥

દ્યૂને ઽધ્વવાહનવિપત્ક્ષુદતિશ્રમાર્તિર્ બન્ધો વધઃ પરિભવો નિધને રુજશ્ ચ।
ધર્મે ઽર્થનાશગદકાર્યવિપદ્ભયાનિ કાર્યં વિના બલભયં દશમે ક્ષયશ્ ચ॥

કેચિદ્ વદન્ત્ય્ ઉપચયોપગૃહીતમ્ એતત્ તસ્માચ્ છુભં દશમભે ગમનં વિલગેન્।
અર્થાપ્તિદીપ્તિશુભસિદ્ધિજયાશ્ ચ લાભે રિપ્ફે છલં વ્યઅય્ભયે વિજિતે ઽપિ ભેદઃ॥

રોગાજ્ જન્મગૃહોદયે સુતવધો ઽસિદ્ધિશ્ ચ તત્પઞ્ચમે
દ્યૂને ક્લેશમ્ અવાપ્ય જન્મભવનાત્ પ્રાપ્નોતિ પશ્ચાત્ સુખમ્।
માર્ગાદ્ એવ નિવર્તનં નવમભે મેષૂરણે ઽર્થાગમઃ
શેષર્ક્ષેષુ યથૈવ લગ્નભવનાત્ તદ્વત્ ફલં જન્મતઃ॥

ક્ષુત્તૃષ્ણાર્તિમાર્ગનાશો ઽક્ષિરોગઃ ક્લેશાવાપ્તિસ્ તિગ્મગોઃ પ્રાગ્વિલગ્ને।
શસ્તા ચાન્દ્રે દેવતાર્થં સ્વદેશે કૌજે પિત્તવ્યાલશસ્ત્રાગ્નિપીડા॥

બૌધે તુષ્ટિર્ વાંછિતાપ્તિર્ યશશ્ ચ જૈવે ઽથાપ્તિઃ સ્થાનમાનારિનાશાઃ।
સ્ત્રીરત્નાપ્તિઃ કાર્યસિદ્ધિશ્ ચ શૌક્રે માન્દે બન્ધવ્યાધિનીચાવમાનાઃ॥

સૌમ્યો ઽપિ જન્મનિ ન યઃ શુભપુષ્ટિદાતા સ્થાનં ન તસ્ય શુભદં વ્રજતો વિલગેન્।
પાપો ઽપિ યઃ શુભફલં પ્રકરોતિ પુંસાં સ્થાનં વિલગ્નગતમ્ ઇષ્ટમ્ ઉશન્તિ તસ્ય॥

અવિધેયં ભવનં યત્ સ્વજન્મલગ્નર્ક્ષયોઃ પ્રયાતૃણામ્।
અપ્ય્ અનુકૂલં લગ્નં ધનક્ષયાયાસદં ભવતિ॥

સખિવશ્યતામ્ ઉપેતે સ્વજન્મલગ્નર્ક્ષયોર્ વિલગ્નર્ક્ષે।
અપચયકરે ઽપિ યાતુર્ જયધનમાનાગમાઃ ક્ષિપ્રમ્॥

કેચિદ્ વદન્તિ યસ્મિન્ ગ્રહો નિરંશં કરોતિ તલ્લગ્નમ્।
ભવનં યાતુર્ અનિષ્ટં ભયશોકોદ્વેગદં યસ્માદ્॥

વૃષવૃશ્ચિકકર્કટૈર્ નૃણામ્ અનુકૂલૈર્ અપિ લગ્નમ્ આશ્રિતૈઃ।
ગમનં પ્રવદ્નય્ અશોભનં મુનયો ઽન્યર્ક્ષસમાશ્રિતૈર્ અપિ॥

વેશિર્વિલગ્નોપગતો યિયાસોર્ વિનાપિ યત્નાત્ કુરુતે ફલાપ્તિમ્।
ગૌયાનમ્ ઇષ્ટં જલરાશિલગ્ને તદ્ અંશકે ચાન્યગૃહોદયે ઽપિ॥એ20