યોગયાત્રા · અધ્યાય 7

સત્ય આહ ગતિકર્મકલ્પહા જન્મગસ્ તુ હિમગુર્યિયાસતઃ।
તત્ર દેહનવતે ઽવજાયતે તેન કર્મસુ ન સાધકઃ સ્મૃતઃ॥

તચ્ ચ તસ્ય બહુભિર્ વિશોધિતં લગ્નમ્ એવ સુતરાં યતસ્ તનુઃ।
તુલ્યદેહનવતાં પ્રપદ્ય કિં સોદયોદયમ્ ઉવાચ શોભનમ્॥

અષ્ટવર્ગપરિશોધિતઃ શશી શ્રેષ્ઠતાં સમનુવર્તતે યદા।
જન્મગો ઽપિ હિ તદા પ્રશસ્યતે યો ઽષ્ટવર્ગશુભદઃ સ શોભનઃ॥

સપ્તમાયદશષટ્ત્રિજન્મગો નેષ્ટદો દ્વિનિધનોપગૈર્ ગ્રહૈઃ।
બન્ધુરિઃફનવપઞ્ચમસ્થિતૈશ્ ચેષ્ટદો યદિ વિલોમવેશ્મગઃ॥

યસ્ય ગોચરફલપ્રમાણતા તસ્ય વેધફલમ્ ઇષ્યતે ન વા।
પ્રાયશો ન બહુસંમતં ત્વ્ ઇદં સ્થૂલમાર્ગફલદો હિ ગોચરઃ॥

યસ્યોત્સૃજત્ય્ ઉડુપતિઃ પુરુષો ઽપસવ્યં જન્મર્ક્ષમ્ આપદમ્ ઉપૈતિ સ ભૂમિપાલઃ।
યાયી તથેતરગૃહોપગતે સિતાદૌ યાયીતરેશ્ વરજયો બહુલે ક્ષયશ્ ચ॥

હોરારાશાવ્ ઉપચયગૃહે જન્મભે વા યિયાસોર્ હાનિર્ હાનાવ્ ઉડુગણપતૌ વૃદ્ધિર્ આપૂર્યમાણે।
પક્ષસ્ય્ આદાવ્ અપચયગૃહે હાનિર્ આપૂર્યમાણે વૃદ્ધિસ્ તૂક્તા હ્રસતિ હિમગૌ કૃષ્ણપક્ષાદિસંસ્થે॥

ઉપચયગૃહયુક્તઃ સવ્યગઃ શુક્લપક્ષે શુભમ્ અભિલષમાણઃ સૌમ્યમધ્યસ્થિતો વા।
સખિવશિગૃહયુક્તઃ કારકર્ક્ષે ઽપિ ચેન્દુર્ જયસુખફલદાતા તત્પ્રહર્તાન્ય્ અથાતઃ॥

પ્રક્ષીણે ઽપ્ય અનુપચયસ્થિતે ઽપે યાયાદ્ વિશ્રબ્ધં યદિ સખિવશ્યકારકર્ક્ષે।
નૈવં ચેદ્ ઉદયગૃહાત્ સ્વજન્મભાદ્ વા સમ્પૂર્ણે ઽપ્ય્ ઉપચયગે ઽપિ ન પ્રયાયાત્॥

ભૃગુસુતબુધભિન્ને રુક્ સુરેડ્યેન મૃત્યુર્ ભયમ્ અસિતકુજાભ્યાં કેતુના સ્ત્રીપ્રણાશઃ।
અપટુકિરણકાન્તૌ ગચ્છતઃ શત્રુવૃદ્ધિઃ સવિકૃતપરિવેષે નેત્રનાશઃ શશાઙ્કે॥એ10