યોગયાત્રા · અધ્યાય 6

ગરવણિજવિષ્ટિપરિવર્જિતાનિ કરણાનિ યાતુર્ ઇષ્ટાનિ।
ગરમ્ અપિ કૈશ્ ચિચ્ છસ્તં વણિજં ચ વણિક્ક્રિયાસ્વ્ એવ।

શિવભુજગમિત્રપિતૃવસુજલવિશ્વવિરિઞ્ચિપઙ્કજપ્રભવાઃ।
ઇન્દ્રાગ્નીન્દ્રનિશાચરવરુણાર્યમયોનયશ્ ચાહ્નિ॥

રુદ્રાજાહિર્બુધ્ન્યાઃ પૂષા દસ્રાન્તકાગ્નિધાતારઃ।
ઇન્દ્વદિતિગુરુહરિરવિત્વષ્ટ્રનિલાખ્યાઃ ક્ષણા રાત્રૌ॥

અહ્નઃ પઞ્ચદશાંશો રાત્રેશ્ ચૈવં મુહૂર્ત ઇતિ સંજ્ઞા॥
સ ચ વિજ્ઞેયસ્ તજ્જ્ઞૈશ્ છાયાયન્ત્રામ્બુભિર્ યુક્ત્યા॥

નક્ષત્રવત્ ક્ષણાનં પરિઘાદિ તદીશ્વરૈઃ સમં ચિન્ત્યં।
ફલમ્ અપિ તદ્ એવ દૃષ્ટં ગર્ગાદ્યૈસ્ તત્ર ચ શ્લોકાઃ॥

અહોરાત્રં ચ સમ્પૂર્ણં ચન્દ્રનક્ષત્રયોજિતમ્।
તન્નક્ષત્રમુહૂર્તાશ્ ચ સમકર્મગુણાઃ સ્મૃતાઃ॥

અષ્ટમે ઽર્ધદિવસે સમે શુભો યો વિરિઞ્ચવિભુસંજ્ઞિતઃ ક્ષણઃ।
તેન યાનમ્ અપહાય દક્ષિણાં સર્વદિક્ષ્વ્ અભિજિતા પ્રશસ્યતે॥એ7