યોગયાત્રા · અધ્યાય 5

ઉદરનયનરોગશ્વાપદારણ્યવાધાઃ સવિતૃદિવસયાતાપ્યશ્નુતે ઽર્થક્ષયં ચ।
અનિલકફજરોગાન્ શક્તિમાનાન્નહાનિં સલિલજનિતપીડાં ચાહ્નિ યાતા હિમાંશોઃ॥

જ્વલનવધવિષાસૃક્પિત્તરુક્ શત્રુપીડામ્ અવનિજદિનયાતા વાધ્યતે શત્રુસંઘૈઃ।
અહનિ સવિતૃસૂનોર્ દૈન્યમ્ આપ્નોતિ ગચ્છન્ સ્વજનધનવિયોગં મૃત્યુબન્ધામયાંશ્ ચ॥

બુધદિવસગતો ઽરીન્ બાધતે મન્ત્રશક્ત્યા સ્રવણસુખકથાપ્તિં શિલ્પિમિત્રાગમાંશ્ ચ।
ક્ષિતિધનજયરત્નસ્ત્રીપ્રતાપપ્રમોદાન્ અતિબલમ્ અચિરેણ સ્વીકરોત્ય્ અહ્નિ સૂરેઃ॥

પ્રવરયુવતિશય્યાવસ્ત્રગન્ધાન્નપાનસ્મરસુખધનરત્રાન્ય્ અહ્નિ ભુંક્તે સિતસ્ય।
અનુપચયગતો ઽહઃ શસ્તમ્ અપ્ય્ અપ્રશસ્તં શુભમ્ ઉપચયસંસ્થઃ પાપસંજ્ઞો વિધત્તે॥એ4