યોગયાત્રા · અધ્યાય 27

સિદ્ધાર્થકાદર્શપયોંજનાનિ બદ્ધૈકપશ્ચામિષપૂર્ણકુમ્ભાઃ।
ઉષ્ણીષભૃઙ્ગારનૃવર્દ્ધમાનપુંયાનવીણાતપવારણાનિ।

દધિમધુઘૃતરોચનાકુમાર્યો ધ્વજકનકામ્બુજભદ્રપીઠશંખાઃ।
સિતવૃષકુસુમામ્બરાણિ મીના દ્વિજગણકાપ્તજનાશ્ ચ ચારુવેષાઃ॥

જ્વલિતશિખિફલાક્ષતેક્ષુભક્ષ્યા દ્વિરદમૃદઙ્કુશચામરાયુધાનિ।
મરકતકુરુવિન્દપદ્મરાગસ્ફટિકમણિપ્રમુખાશ્ ચ રત્નભેદાઃ॥

સ્વયમ્ અથ રચિતાન્ય્ અયત્નતો વા યદિ કથિતાનિ ભવન્તિ મઙ્ગલાનિ।
સ જયતિ સકલાં તતો ધરિત્રીં ગ્રહણદૃગાલભનશ્રુતૈર્ ઉપાસ્ય॥

કાર્પાસૌષધકૃષ્ણધાન્યલવણક્લીવાસ્થિતૈલાવસાઃ
પઙ્કાઙ્ગારગુડાહિચર્મશકૃતઃ ક્લેશાય સવ્યાધિતાઃ।
વાતોન્મત્તજડેન્ધનં તૃણતુષક્ષુત્ક્ષામતક્રારયો
મુણ્ડાભ્યક્તવિમુક્તકેશપતિતાઃ કાષાયિનશ્ ચાશુભાઃ॥

પટુપટહમૃદઙ્ગશંખભેરીપણવરવં સપતાકતોરણાગ્રમ્।
પ્રચુરકુસુમતોયશાન્તરેણું સુરભિસુવેષજનં વ્રજેચ્ ચ માર્ગમ્॥એ6