યોગયાત્રા · અધ્યાય 28

ધ્વજાતપત્રાયુધસન્નિપાતઃ ક્ષિતૌ પ્રયાણે યદિ માનવાનામ્।
ઉત્તિષ્ઠતો વામ્બરમ્ એતિ સઙ્ગં પતેચ્ ચ વા તન્નૃપતેઃ ક્ષયાય।

દદ્રુપ્રતિશ્યામવિચર્ચિકાઃ સ્યુઃ કર્ણાક્ષિરોગા પિટકોદ્ભવો વા।
પ્રાયો બલે નેતરિ વા નૃપે વા જાનીત રાજ્ઞો ભયકારણં તત્॥

ઉત્તાનશય્યાસનવાતસર્ગનિષ્ઠ્યૂતદુર્દર્શનકાસિતાનિ।
નેષ્ટાનિ શબ્દાશ્ ચ તથૈવ યાતુર્ આગચ્છતિષ્ઠપ્રવિશસ્થિરાદ્યાઃ॥

કાર્યમ્ તુ મૂલશકુને ઽન્યતરજે તદહ્નિ વિદ્યાત્ ફલં નિયતમ્ એવમ્ ઇમે વિચિન્ત્યાઃ।
પ્રારમ્ભયાનસમયે તુ તથા પ્રવેશે ગ્રાહ્યં ક્ષુતમ્ ન શુભદં ક્વચિદ્ અપ્ય્ ઉશન્તિ॥

ક્રોશાદ્ ઊર્ધ્વં શકુનવિરુતં નિષ્ફલં પ્રાહુર્ એકે
તત્રાનિષ્ટે પ્રથમશુકુને માનયેત્ પંચ ષડ્ વા।
પ્રાણાયામાન્ નૃપતિર્ અશુભે ષોડશૈવં દ્વિતીયે
પ્રત્યાગચ્છેત્ સ્વભવનમ્ અતો યદ્ય્ અનિષ્ટસ્ તૃતીયઃ॥

ચક્રે વરાહમિહિરઃ શકુનોપદેશમ્ ઉદ્દેશતો મુનિમતાન્ય્ અવલોક્ય સમ્યક્।
યદ્ ગ્રન્થવિસ્તરભયાદ્ અવિજાનતો વા નોક્તં તદ્ અન્યકથિતાદ્ અપિ ચિન્તનીયમ્॥એ6