યોગયાત્રા · અધ્યાય 22

આવર્તસત્ત્વદ્યુતિવર્ણજાતિયાનસ્વરાઙ્ગાદિગુણોપપન્નાઃ।
સંક્ષેપતો ઽશ્વા વિજયાય રાજ્ઞામ્ આવર્તલેશોપનયો યતો ઽયમ્॥

અશ્રુપાતહનુગણ્ડહૃદ્ગલપ્રોથશઙ્ખકટિવસ્તિજાનુષુ।
મુષ્કનાભિકકુદે તથા ગુદે સવ્યકુક્ષિચરનેષુ ચાશુભાઃ॥

યે પ્રપાનગલકર્ણસંસ્થિતાઃ પૃષ્ઠમધ્યનયનોપરિસ્થિતાઃ।
ઓષ્ઠવઙ્ક્રિ\fઓઓત્નોતે{બ્ષ્ 65.ચ્éġસક્થિ}ભુજકુક્ષિપાર્શ્વગાસ્ તે લલાટસહિતાઃ સુશોભનાઃ॥

વાલાવકિરણહેષિતધૂમજ્વાલાદિ ચોદ્યમે લક્ષ્યમ્।
તુરગાણામ્ અત્રાર્યાઃ પ્રકીર્તિતા વિષ્ણુગુપ્તકૃતાઃ॥

તત્રોત્સર્ગેણાસનપશ્ચિમભાગાશ્રયે જ્વલનમ્ એષામ્।
નેષ્ટમ્ ઇતરત્ર શસ્તમ્ વામેતરપાર્શ્વયોસ્ તદ્વત્॥

સમમ્ અન્યત્ પદકેસરપુચ્છેષુ જ્વલનદહનકણધૂમાઃ।
રાષ્ટ્રભયરોગસમ્ભ્રમસપત્નચક્રાપમર્દકરાઃ॥

પ્રાક્ફલતુલ્યં પૃષ્ઠે જઘને વાલેષુ ચૈવ નિર્દિષ્ટમ્।
અન્તઃપુરપ્રકોપો મેઢ્રજ્વલને સધૂમે વા॥

નિત્યં ચ બાલકિરણે દાહજ્વાલાસ્ફુલિઙ્ગકણધૂમાઃ।
સ્કન્ધાસનાંસદેશે વધાય બન્ધાય ચ રણેષુ॥

વક્ષોક્ષિલલાટભુજેષ્વ્ અશ્વાનાં હેષતાં ચ વદનેભ્યઃ।
જ્વાલોત્પત્તિર્ જયદા ધૂમોત્પત્તિઃ સ્વામિનો ઽભાવાય॥

નાસાપુટાશ્રુપાતપ્રોથશિરોલોચનેષુ રજનીષુ।
વિજયાય પ્રજ્વલનં તામ્રાસિતહરિતશવલાનામ્॥

વિજયાય સર્વૈદૈવ હિ સુશુક્લશુકવર્ણયોર્ જ્વલનમ્ એષુ।
એવં ચ યથાસમ્ભવમ્ અન્યેષ્વ્ અપિ વાહનેષુ ફલમ્॥

ઇષ્ટાનિષ્ટવ્યંજકમ્ અતઃ પરં હેષિતં સમવધાર્યમ્।
તચ્ ચ પ્રસારિતાચલશિરોધરોદ્ભૂતમ્ ઇષ્ટફલમ્॥

ગ્રાસાન્તર્વક્ત્રાણામ્ ઉચ્ચૈઃ સ્નિગ્ધાનુનાદિ ગમ્ભીરમ્।
દ્વિજપૂર્ણભાજનેષ્ટદ્રવ્યસ્રગ્ગન્ધસુરમૂલૈઃ॥

ખલિનાન્નપાનવર્મસ્વામ્યુપકરણાભિનન્દિતા ચૈષામ્।
સર્વાર્થસિદ્ધયે સ્યાદ્ દક્ષિણપાર્શ્વં વિલોકયતામ્॥

સન્ધ્યાસુ દીપ્તદિઙ્મુખસમ્ભ્રમગાઢપ્રનષ્ટનિદ્રાશ્ ચ।
હેષન્તો ભયજનના વધબન્ધપરાજયકરાશ્ ચ॥

વક્રીકૃતવાલધયો દક્ષિણપાર્શ્વાનુશાયિનો નેષ્ટાઃ।
વામચરણૈઃ ક્ષિતિતલં ઘ્નન્તો જ્ઞેયાઃ પ્રવાસાય॥

સજૃમ્ભણં પૃષ્ઠવિધૂનનં ચ વાલપ્રકારસ્ ત્વ્ અસકૃલ્ લિલિક્ષોઃ।
પાદેન પાદાકલનં પ્રસઙ્ગઃ સેનાસમુદ્યોગદૃશાં હયાનામ્॥

નિદ્રાનિરોધાલસનીલનેત્રાઃ પ્રધ્યાનશૂન્યસ્મૃતયો દિનેષુ।
નિશાસુ ચાન્યોન્યવિરોધનષ્ટનિદ્રાસ્ તુરઙ્ગા ન શિવાય ભર્તુઃ॥

જંઘે લિંહન્નવ્રણરોમપઙ્કે પાદૌ ચ સંહૃષ્ટતનુર્ જયાય।
વિપર્યયઃ પશ્ચિમયોઃ પ્રયત્નાત્ સ્વયં તુ યાત્રાભિમુખો નિયમ્ય॥

મુહુર્મુહુર્ મૂત્રશકૃત્ કરોતિ ન તાડ્યામાનો ઽપ્ય્ અનુલોમયાયી।
અકાર્યભીતો ઽશ્રુવિલોચનશ્ ચ શિવં ન ભર્તુસ્ તુરગો વિધત્તે॥

આરોહતિ ક્ષિતિપતૌ વિનયોપપન્નો યાત્રાનુગો ઽન્યતુરગં પ્રતિહેષિતશ્ ચ।
વક્ત્રેણ વા સ્પૃશતિ દક્ષિણમ્ આત્મપાર્શ્વં યો ઽશ્વઃ સ ભર્તુર્ અચિરાત્ પ્રતનોતિ લક્ષ્મીમ્॥એ21