યોગયાત્રા · અધ્યાય 18

ગ્રહયજ્ઞમ્ અતો વક્ષ્યે તત્ર નિમિત્તાનિ લક્ષયેદ્ વેદ્યામ્।[ચિતેદ્ ઇન્ બ્સ્ 43.14]
ભઙ્ગો માનોનાયાં દિગ્ભ્રષ્ટાયામ્ અસિદ્ધિશ્ ચ॥

નગરપુરોહિતદેવીસેનાપતિપાર્થિવક્ષયં કુરુતે।[ચિતેદ્ ઇન્ બ્સ્ 43.14]
પ્રાગ્દક્ષિણાપરોત્તરમધ્યમભાગેષુ યા વિકલા॥

તત્રાર્ચા તામ્રમયી સવિતુઃ પાલાશિકા સુસ્રુક્સમિધઃ।
આ કૃષ્ણેતિ ચ મન્ત્રો રક્તા ગન્ધાઃ સહાગુરણાઃ॥

માષાતસીતિલાંશ્ ચાર્કસમુદ્ગચણકાન્ વિહાય ભોજ્યવિધિઃ।
વકુલાર્કાગસ્ત્યપલાશશલ્લકીકુસુમપૂજા ચ॥

અષ્ટશતસંમિતેભ્યો વિપ્રેભ્યો દક્ષિણાહિતાગ્નિભ્યઃ।
દેયા વૃષકનકમહી સહસ્રકિરણં (સ)મુદ્દિશ્ય॥ (સૂર્યઃ)

ન્યગ્રોધાત્ સ્રુક્સમિધઃ સ્ફટિકાદ્ અર્ચા ચ શિતગોઃ કાર્યા।
શૈલેયકનખવર્જ્યા ગન્ધાઃ કુસુમાનિ ચ સિતાનિ॥

ગોધૂમશાલિયાવરવણ્ડગોપયઃ પૂર્વમ્ અશનમ્ અથ મન્ત્રઃ।
આપ્યાયસ્વેતિ ભવેચ્ ચાતુર્વેદાય દદ્યાચ્ ચ॥

મણિમુક્તાક્ષૌમહિરણ્યસંયુતાં શ્વેતતુલ્યવત્સાઙ્ગામ્।
રજતશફવિષાણાં ક્ષીરિણીં ચ તુ હિમાંશુમ્ ઉદ્દિશ્ય॥(ચન્દ્રઃ)

રક્તકરવીરસમિધો રક્તા ગન્ધાશ્ ચ ચન્દનાત્ પ્રતિમા।
મન્ત્રશ્ ચાગ્નિર્ મૂર્ધેત્ય્ અશનં ગુડષષ્ટિકપ્રાયમ્॥

તામ્રકનકપ્રવાલૌર્ણિકાનિ દેયાનિ દક્ષિણા ચાસ્ય।
ઉદ્દિશ્ય ધરાતનયં છન્દોગેભ્યો વ્રતસ્થેભ્યઃ॥મં(ગલઃ)

મન્ત્રશ્ ચોદ્બૂધ્યસ્વેત્યાદિ પ્રતિમા ચ યુક્તિલોહમયી।
સ્રુક્સમિધશ્ ચ મધૂકાદ્ અથ વા ચાન્દ્રેર્ અપામાર્ગાત્॥

યુક્તિપ્રાયા ગન્ધાઃ કાલીયકકુઙ્કુમપ્રિયંગ્વાદ્યાઃ।
કુસુમાનિ માલતીવકુલતિલકમદયન્તિકાદીનિ॥

ભોજ્યં મસુરતિલશાલિમુદ્ગચણકાદિ દક્ષિણા સ્વચ્છશ્ ચ।
સરજતમણિર્ વ્રતિભ્યશ્ ચાન્દ્રેર્ આથર્વણેભ્યશ્ ચ॥બુ(ધઃ)

અશ્વત્થ્યર્જુનસમિધઃ કનકાર્ચા ત્વ્ અગ્નિવર્જિતા ગન્ધાઃ।
પીતકુસુમાનિ ચ ગુરોર્ ભોજ્યં તિલમુદ્ગચણકાનિ॥

બહ્વૃગ્ભ્ય એકવર્ણં મધ્યમવયસં તુરઙ્ગમં દદ્યાત્।
શૃઙ્ગીસુવર્ણયુક્તં બૃહસ્પતેશ્ ચેતિ ગુરોર્ મન્ત્રઃ॥બૃ(હસ્પતિઃ)

રજતાર્ચા મદનીયા ગન્ધાઃ કુસુમાનિ ચિત્રસુરભીણિ।
પનસોદુમ્બરસમિધો ભોજ્યં વૃષ્યં ચ ભૃગુસૂનોઃ॥

અન્નાત્ પરિસ્રુતાદ્યો મન્ત્રઃ સ્ત્રીકર્કશાસ્ ત્વ્ અલઙ્કારાઃ।
અધ્વર્યુભ્યો દેયા દ્વાત્રિંશદ્ભ્યઃ તદર્હેભ્યઃ॥શુ(ક્રઃ)

શાલશમીસ્રુક્સમિધઃ શન્નો દેવીતિ ભાસ્કરેર્ મન્ત્રઃ।
લોહાર્ચા શૈલેયકમુસ્તકશુક્ત્યુત્કટા ગન્ધાઃ॥

ગિરિકર્ણિકાતસીસ્પન્દનાંજનાદીનિ કૃષ્ણપુષ્પાણિ।
અશનાનિ કૃષ્ણતિલમાષચણકનિષ્પાવમુખ્યાનિ॥

પ્રેષ્યામ્ અતીતવયસાં ત્રપ્વંજનસીસકૃષ્ણલોહયુતામ્।
દદ્યાદ્ ઉદ્દિશ્યાર્કિં વૃષલીપતિવૃદ્ધમૂર્ખેભ્યઃ॥શ(નિઃ)

વૈભીતસ્રુક્સમિધો રાહોર્ હોમે ઽથવા ભવેદ્ દૂર્વા।
મન્ત્રશ્ ચ કયા નશ્ચિત્રપૂર્વકો ઽર્ચા ચ નાગમયી॥

ઉદ્દિશ્ય સૈંહિકેયં મહિષં પ્રતિપાદયેત્ સુવૃદ્ધેભ્યઃ।
વિપ્રેભ્ય ઇતિ યદ્ અન્યત્ તત્ સર્વં સૂર્યપુત્રસમમ્॥(રાહુઃ)

કેતોઃ કાંસ્યપ્રતિમા કેતું કૃણ્વન્ન્ ન કેતવે મન્ત્રઃ।
આરણ્યકુસુમપૂજા સ્રુક્સમિધઃ ખદિરકુશમય્યઃ॥

માંસૌદનમ્ અનનં 1બ્રહ્મબન્ધુવર્ગસ્ય દક્ષિણા દેયા।
પ્રહરણફલ્ગુદ્રવ્યાણિ ચૈવં કેતું સમુદ્દિશ્ય॥(કેતુઃ)એ24