યોગયાત્રા · અધ્યાય 17

ક્ષીરૈકતરુનગાર્ણવતૂલનદીસઙ્ગમાઃ સરઃ શોષ્યમ્।
ગોસ્થાનપટુસુરાલયરુચિરાઃ સ્નાનપ્રદેશાઃ સ્યુઃ॥

સમગમ્ભીરાનૂષરશાડ્વલભૂમૌ પ્રદક્ષિણજલાયામ્।
કાષ્ઠારશ્મિપ્રમિતં વાસ્તુ લિખેત્ સર્વતો ભદ્રમ્॥

સર્વૈર્ ધાન્યૈસ્ તિલમુદ્ગમાષચણકાતસીપરિશ્લિષ્ટમ્।
અચ્છિન્નાગ્રૈર્ દર્ભૈઃ કુશૈઃ સ(મસ્તા)ત્ પરિસ્તીર્ણમ્॥

રજતમણિહેમગર્ભૈઃ સક્ષીરપ્રવાલસિતસૂત્રૈ(શ્ ચ)।
કલશૈઃ કાલમૂલૈશ્ ચ શોભિતદ્વારં (તન્મધ્યે)॥

તન્મધ્યે બ્રાહ્મી બ્રહ્મા સામ દૂર્વાગ્રશંખપુષ્પાઃ સ્યુઃ।
દિઙ્મુખમ્ અરત્નિતુઙ્ગં સ્થાપ્યં પીનં સપ્રવેષ્ટમ્॥

તસ્ય ગ્રહાનુલોમં કાલં કેચિજ્ જગુર્ નિષેવેત।
પુરોઘ ....... ષાષ્ટિકયવપાયસાહારમ્॥

અભિમતદેવકૃતમનાઃ પૂર્વદ્વારેણ પાર્થિવઃ પ્રવિશેત્।
ભદ્રાસનં પ્રદક્ષિણમ્ અધ્યાસિત્વાથ તસ્ય વિધિઃ॥

પ્રિયઙ્ગુસિદ્ધર્થકનાગદાનગોરોચનાક્ષૈર્ ઘૃતૈઃ સમેતૈઃ।
પ્રાગ્ આત્મરક્ષા પ્રતિચક્રપૂતૈઃ સ્નાનોન્મુખસ્યાવનિપસ્ય કાર્યા॥

શ્વેતસ્ય બભ્રોર્ અથવા વૃષસ્ય ચર્માસ્તરે વ્યાઘ્રમૃગેન્દ્રયોર્ વા।
તત્સ્થસ્ય કુર્યાન્ મનુજેશ્વરસ્ય જયાભિષેકં વિધિવત્ પુરોધાઃ॥

ક્રમાન્ મહીરૂપ્યસુવર્ણકુમ્ભૈઃ ક્ષીરસ્ય દધ્નો હવિષશ્ ચ પૂર્ણૈઃ।
સ્નાયાચ્ ચ તોયૈઃ સહ સપ્તમૃદ્ભિઃ પશ્ચાચ્ ચ સર્વૌષધિગન્ધતોયૈઃ॥

પરિજપ્ય મહારૌહિણકુષ્માણ્ડકુવેરહૃદયરુદ્રગણૈઃ॥
અભિષેચયેન્ નરેન્દ્રં પુરોહિતો ઽસ્મિન્ સમૃધ્દ્યા ચ॥

દ્વાત્રિંશતિં ષોડશ વાથવાષ્ટૌ ઘટપ્રમાણં મુનિભિઃ પ્રદિષ્ટમ્।
સ્નાતસ્ ત્વ્ અલઙ્કારમ્ અપાસ્ય પૂર્વં નવં વિદધ્યાદ્ દ્વિજમન્ત્રપૂર્તમ્॥

માગઘબન્દિસુહૃદ્દ્વિજસૂતૈર્ અભિમતવાક્કૃતમઙ્ગલકુશલઃ।
ચર્મસુ ચોપવિશેદ્ અભિષિક્તઃ પૃષતગજેન્દ્રવિડાલવૃકાણામ્॥

ગૃહીતધૂપામ્બરમાલ્યગન્ધસ્ ત્રિર્ ભ્રામયિત્વોપરિ ચૌષધીંશ્ ચ।
વામે ઽસ્ય પાર્શ્વે ઽગ્રત આસ્થિતો વા પ્રતીપપાતં જુહુયાદ્ ધુતાશમ્॥

ગોરોચનાહેમફલાનિ સર્પિર્બ્રાહ્મીં સદૂર્વાં સિતસર્ષપાંશ્ ચ।
આસેવ્ય સર્વાણિ યથોપદેશં ભક્ત્યા દ્વિજાન્ સ્વસ્તિ ચ વાચયિત્વા॥

સૌમ્યેન યાયાત્ ફલપુષ્પપાણિર્ દ્વારેણ પશ્યેન્ ન ચ પૌરુહૂતમ્।
પ્રાગ્ ઉદ્ધરેદ્ દક્ષિણપાદમ્ એવં કુર્વન્ નૃપઃ સર્વરિપૂન્ પ્રશાસ્તિ॥એ16