યોગવાસિષ્ઠ · અધ્યાય 5.7

સપ્તમઃ સર્ગઃ

શ્રીવસિષ્ઠ ઉવાચ ।
એષ તાવત્ક્રમઃ પ્રોક્તઃ સામાન્યઃ સર્વદેહિનામ્ ।
ઇમમન્યં વિશેષં ત્વં શ્રૃણુ રાજીવલોચન

અસ્મિન્સંસારસંરમ્ભે જાતાનાં દેહધારિણામ્ ।
અપવર્ગક્ષમૌ રામ દ્વાવિમાવુત્તમૌ ક્રમૌ

એકસ્તાવદ્ગુરુપ્રોક્તાદનુષ્ઠાનાચ્છનૈઃ શનૈઃ ।
જન્મના જન્મભિર્વાપિ સિદ્ધિદઃ સમુદાહૃતઃ

દ્વિતીયસ્ત્વાત્મનૈવાશુ કિંચિદ્વ્યુત્પન્નચેતસા ।
ભવતિ જ્ઞાનસંપ્રાપ્તિરાકાશફલપાતવત્

નભઃફલનિપાતાભજ્ઞાનસંપ્રતિપત્તયે ।
તત્રેમં શ્રૃણુ વૃત્તાન્તં પ્રાક્તનં કથયામિ તે

શ્રૃણુ સુભગ કથાં મહાનુભાવા
વ્યપગતપૂર્વશુભાશુભાર્ગલૌઘાઃ ।
ખપતિતફલવત્પરં વિવેકં
ચરમભવા વિમલં સમશ્નુવન્તિ

ઇત્યાર્ષે શ્રીવાસિષ્ઠમહારામાયણે વા૦ મોક્ષોપાયેષૂપશમપ્રકરણે આકાશફલપ્રાપ્તિવજ્જ્ઞાનસંપ્રાપ્તિક્રમસૂચનં નામ સપ્તમઃ સર્ગઃ