યોગવાસિષ્ઠ · અધ્યાય 1.24

ચતુર્વિશઃ સર્ગઃ

શ્રીરામ ઉવાચ ।
અસ્યોડ્ડામરલીલસ્ય દૂરાસ્તસકલાપદઃ ।
સંસારે રાજપુત્રસ્ય કાલસ્યાકલિતૌજસઃ

અસ્યૈવાચરતો દીનૈર્મુગ્ધૈર્ભૂતમૃગબ્રજૈઃ ।
આખેટકં જર્જરિતે જગજ્જઙ્ગલજાલકે

એકદેશોલ્લસચ્ચારુવડવાનલપઙ્કજા ।
ક્રીડાપુષ્કરિણી રમ્યા કલ્પકાલમહાર્ણવઃ

કટુતિક્તામ્લભૂતાદ્યૈઃ સદધિક્ષીરસાગરૈઃ ।
તૈરેવ તૈઃ પર્યુષિતૈર્જગદ્ભિઃ કલ્વવર્તનમ્

ચણ્ડી ચતુરસંચારા સર્વમાતૃગણાન્વિતા ।
સંસારવનવિન્યસ્તા વ્યાઘ્રી ભૂતૌઘઘાતિની

જ્ઞધ્વી કરતલે જ્ઞથ્વી પાનપાત્રી રસાન્વિતા ।
કમલોત્પલકહ્લારલોલજાલકમાલિતા

વિરાવી વિકટાસ્ફોટો નૃસિંહો ભુજપઞ્જરે ।
સટાવિકટપીનાંસઃ કૃતઃ ક્રીડાશકુન્તકઃ

અલાબુવીણામધુરઃ શરદ્વ્યોમલસચ્છવિઃ ।
દેવઃ કિલ મહાકાલો લીલાકોકિલબાલકઃ

અજસ્રસ્ફૂર્જિતાકારો વાન્તદુઃખશરાવલિઃ ।
અભાવનામકોદણ્ડઃ પરિસ્ફુરતિ સર્વતઃ

અનુત્તમસ્ત્વધિકવિલાસપણ્ડિતો
ભ્રમચ્ચલન્પરિવિલસન્વિદારયન્ ।
જરજ્જગજ્જનિતવિલોલમર્કટઃ
પરિસ્ફુરદ્વપુરિહ કાલ ઈહતે

ઇત્યાર્ષે શ્રીવાસિષ્ઠમહારામાયણે વાલ્મીકીયે વૈરાગ્યપ્રકરણે કાલવિલાસો નામ ચતુર્વિંશતિતમઃ સર્ગઃ