વૃત્તમાલાસ્તુતિ · શ્લોક 1-20

વૃત્તં સમમ્ અર્ધસમં વિષમં ચેત્ય્ આમનન્તિ વાગીશઃ
ત્રિવિધં પરાર્થવિધયે સમાસતો વ્યાસતો ઽનન્તમ્ ॥

પ્રતિનિયતાકૃતિરૂઢં વરમુનિભિર્ યત્ર નામ સંગીતમ્
છન્દઃ પદં ચ પરમં સ્ફુરતિ યથાવિવિધવિન્યાસૈઃ ॥

પ્રતિરૂપદર્શનાદ્ અપિ શક્યાઃ સકલક્રમેણ ગુરુલઘવઃ
વિગણયિતું ધીમદ્ભિઃ કિમ્ અપરમ્ અત્રાનુયોગેન ॥

પ્રભવતુ વિભ્રમહતયે વિચિન્ત્યમાનં તદ્ આદરાદ્ ભવતામ્
સુકૃતિમુખાભિજનાનાં વાચાં નિજમ્ એકમ્ આભરણમ્ ॥

ધી ગી[ઃ]-
શ્રી- ણામ્ ॥

નિજૈ કભૂઃ
વિભા તિ યા ॥

તદ્ગુણા શંસિભિઃ
સેવ્યતે ચાનિશમ્ ॥

સમાશ્રય સ્ખલન્મલૈઃ
સુરાસુરા દિષૂદ્ગતૈઃ ॥

નૈકભવીયા ભ્યાસવિવૃદ્ધમ્
બોધવિશેષં સાધુ દધાનૈઃ ॥

ગીતા ગાયત્રી વ ચ્છન્દઃસ્વ્ આદ્યા સદ્ભિઃ
વૃત્તં ભાવિ શ્રેયો યસ્યાં સદ્ વા વૈશ્વમ્ ॥

નીલોત્પલપાણેર્ લીલાનિલયસ્ય
શાસ્તુર્ જયતીયં મૂર્તિસ્ તનુમધ્યા ॥

પ્રસીદ ભગવન્ વિલોકય મનાક્
જડં જનમ્ ઇમં ત્વદેક શરણમ્ ॥

જાજ્વલીતિ શાસનં ત્વાં સમેત્ય સૌગતમ્
સૂર્યધામ દુઃસહં સાતિરેકમ્ ઉષ્ણિ હિ ॥

દધત્ય્ અપિ નિકામં કુમારલલિતાનિ
તનુસ્ તવ જિનાનાં કુમાર લલિતૈ વ ॥

જાયતે જનરાશેર્ યામ્ અનુસ્મરતો ઽપિ
નિર્ધુતાધરભાવમ્ ઊર્ધ્વગામિ ચ રૂપમ્ ॥

યદ્ગુણસ્તુતિવિસ્તરાદ્ અસ્તસઙ્ગમ્ અનુષ્ટુભિ
ધીરમ્ એકમ્ ઉદીરયન્ત્ય્ ઉત્તમં પદમ્ ઉદ્ગતાઃ ॥

ઘોરમોહતામસાવ રુદ્ધબુદ્ધિલોચનસ્ય
રત્નયષ્ટિદીપિકેવ યા સમાન્ય્ અભૂજ્ જનસ્ય ॥

જગત્ત્રયાતિશાયિનીં મુનીન્દ્રસંપદં પ્રતિ
સ્ફુરન્ત્ય્ અશેષનાયક પ્રમાણિકા પિ સૈવ નઃ ॥

તીવ્રક્લેશપ્લોષધ્વંસ પ્રૌઢે વંશે સંબુદ્ધાનામ્
ધત્તે ભૂષાં ભાતીયં તે ઽમ્ભોદે યદ્વદ્ વિદ્યુન્માલા ॥

કેતનદણ્ડં દધતો ઽધ્યાપયિતું નીતિમ્ ઇવ
સદ્ગુરુલીલા ભવતો ભાતિ જગન્ માણવકમ્ ॥