વિવાહપટલ · શ્લોક 81-91

માસે નાષ્ટાઉ વિષ્ટિદુષ્ટાનિ ભાનિ તત્રાપ્ય્ એકે રાત્રિમ્ આહુર્ દિનં ચ॥
તિથ્યર્દ્ધે ઽન્ત્યે પ્રાપ્તિનાશૌ ચ વિષ્ટે [ઉ. વિષ્ટેઃ] ચાન્દ્રં માનં વિષ્ટિહેતુ ન શેષમ્।

પ્રાચ્યાઃ પ્રાયોઃ ન્યૂનવર્ણાઃ સગોપાઃ સંધ્યાકાલં પ્રાહુર્ ઇષ્ટં ન શેષમ્॥
યાવચ્ છાન્તં ગોરજો નાભ્યુપેતિ તાવત્ તેષાં ચિત્તશુદ્ધિર્ વિવાહે।

ગોપૈર્ યષ્ટયાહતાનાં [ઉ. યષ્ટ્યાહતાનાં] ખુરપુટદલિતા યા તુ ધૂલિર્ દિનાન્તે
સોદ્વાહે સુન્દરીણાં વિપુલધનસુતાશ્ ચાયુરારોગ્યસંપત્॥
તસ્મિન્ કાલે ન ચ ર્ક્ષં ન ચ તિથિકરણં નૈવ લગ્નં ન યોગઃ
ખ્યાતઃ પુંસાં સુખાર્થં શમયતિ દુરિતાનિ ઉત્થિતં ગોરજસ્ તુ।

કુલસ્ય દેશસ્ય ચ ચિત્તવૃત્તિર્ ન ખણ્ડનિયા [ઉ. ખણ્ડનીયા] વિદુષા કદાચિત્॥
દોસઃ પ્રતિસ્યાયકૃતો ઽપિ યો ઽત્ર સંભાવ્યતે જ્યૌતિષિકસ્ય સો ઽજ્ઞૈઃ।

શાસ્ત્રશરીરમ્ અબુધ્વા બહુધા જલ્પન્તિ યદ્ય્ અપિ નાનુમતમ્॥
કાણાનાં વિષયગતઃ પ્રાજ્ઞો નિમિલયેન્ નેત્રમ્।

એવં વિવાહસમયે ગમને પ્રવેશે કાર્યેષુ મઙ્ગલયુતેષ્વ્ અથવા પરેષુ॥
દોષં કુશિક્ષિતકુદૈવવિદો વદન્તિ રાગેણ વા પટુધિયો નમો ઽસ્તુ તેભ્યઃ।

ગોચરશુદ્ધાવ્ ઇન્દું કન્યાયા યત્નતઃ શુભં વીક્ષ્ય॥
તિગ્મકિરણશ્ ચ પુંસઃ શેષૈર્ અવર્ણૈર્ અપિ વિવાહઃ।

ન સકલગુણસંપલ્ લભ્યતે ઽલ્પૈર્ અહોભિર્ બહુતરગુણયોગં યોજયેત્ મઙ્ગલેષુ॥
પ્રભવતિ ન હિ દોષો ભૂરિભાવે ગુણાનાં સલિલલવ ઇવાગ્નેઃ સંપ્રદીપ્તેન્ધનસ્ય।

ગુણશતમ્ અપિ દોષઃ કશ્ચિદ્ એકો ઽપિ વૃદ્ધઃ ક્ષપયતિ યદિ નાન્યત્ તદ્વિરોધિગુણો ઽસ્તિ।
ઘટમ્ અપિ પરિપૂર્ણં પઞ્ચગવ્યસ્ય શક્ત્યા મલિનયતિ સુરાયા બિન્દુર્ એકો ઽપિ સર્વમ્॥

કૃતકૌતુકમઙ્ગલો વરો મધુપર્કાદ્યશનાદ્ અનન્તરમ્॥
જ્વલિતાગ્નિસમક્ષમઙ્ગલં યદ્ અવાપ્નોતિ શુભાશુભં ચ તમ્॥

ચક્રે વરાહમિહિરઃ પ્રણિપત્ય સાધૂન્ સમ્યક્ વિવાહપટલં પૃથુતાં વિહાય।
પૂર્વં ચ યદ્ યુવતિજન્મવિધૌ મયોક્તં સંચિન્ત્ય તચ્ ચ સદસત્પરિકલ્પનીયમ્॥