વિષ્ણુસ્મૃતિ · અધ્યાય 93

ન વાર્ય્ અપિ પ્રયચ્છેત બૈડાલવ્રતિકે દ્વિજે
ન બકવ્રતિકે પાપે નાવેદવિદિ ધર્મવિત્ ॥

ધર્મધ્વજી સદા લુબ્ધશ્ છાદ્મિકો લોકદામ્ભિકઃ
બૈડાલવ્રતિકો જ્ઞેયો હિંસ્રઃ સર્વાભિસંધકઃ ॥

અધોદૃષ્ટિર્ નૈકૃતિકઃ સ્વાર્થસાધનતત્પરઃ
શઠો મિથ્યાવિનીતશ્ ચ બકવ્રતપરો દ્વિજઃ ॥

યે બકવ્રતિનો લોકે યે ચ માર્જારલિઙ્ગિનઃ
તે પતન્ત્ય્ અન્ધતામિસ્રે તેન પાપેન કર્મણા ॥

ન ધર્મસ્યાપદેશેન પાપં કૃત્વા વ્રતં ચરેત્
વ્રતેન પાપં પ્રચ્છાદ્ય કુર્વન્ સ્ત્રીશૂદ્રદમ્ભનમ્ ॥

પ્રેત્યેહ ચેદૃશો વિપ્રો ગર્હ્યતે બ્રહ્મવાદિભિઃ
છદ્મનાચરિતં યચ્ ચ વ્રતં રક્ષાંસિ ગચ્છતિ ॥

અલિઙ્ગી લિઙ્ગિવેષેણ યો વૃત્તિમ્ ઉપજીવતિ
સ લિઙ્ગિનાં હરત્ય્ એનસ્ તિર્યગ્યોનૌ પ્રજાયતે ॥

ન દાનં યશસે દદ્યાન્ ન ભયાન્ નોપકારિણે
ન નૃત્યગીતશીલેભ્યો ધર્માર્થમ્ ઇતિ નિશ્ચિતમ્ ॥