વિષ્ણુસ્મૃતિ · અધ્યાય 100

ધર્મશાસ્ત્રમ્ ઇદં શ્રેષ્ઠં સ્વયં દેવેન ભાષિતમ્
યે દ્વિજા ધારયિષ્યન્તિ તેષાં સ્વર્ગે ગતિઃ પરા ॥

ઇદં પવિત્રં મઙ્ગલ્યં સ્વર્ગ્યમ્ આયુષ્યમ્ એવ ચ
જ્ઞાનં ચૈવ યશસ્યં ચ ધનસૌભાગ્યવર્ધનમ્ ॥

અધ્યેતવ્યં ધારણીયં શ્રાવ્યં શ્રોતવ્યમ્ એવ ચ
શ્રાદ્ધેષુ શ્રાવણીયં ચ ભૂતિકામૈર્ નરૈઃ સદા ॥

ય ઇદં પઠતે નિત્યં ભૂતિકામો નરઃ સદા
ઇદં રહસ્યં પરમં કથિતં ચ ધરે તવ ॥

મયા પ્રસન્નેન જગદ્ધિતાર્થં સૌભાગ્યમ્ એતત્ પરમં યશસ્યમ્
દુઃસ્વપ્નનાશં બહુપુણ્યયુક્તં શિવાલયં શાશ્વતધર્મશાસ્ત્રમ્ ॥