વીણાશિખતન્ત્ર · શ્લોક 281-300

સર્વલોકેષુ દૃશ્યન્તે કામદેવસમો ઽપિ તત્
વિચરેત મહીં કૃત્સ્નાં નાત્ર કાર્યા વિચારણા ॥

મઞ્જિષ્થા કુન્દુરુશ્ ચૈવ હરિદ્રે દ્વે તુ પીષયેત્
પિષ્ત્વા પૂર્વવિધાનેન તતો ગુહ્યં પ્રલેપયેત્ ॥

પ્રવૃત્તે મૈથુને કાલે પતિર્ દાસં કરિષ્યતિ
મેષલોચનમૂલં તુ કમ્બલ્યા ક્ષીરસાધિતમ્ ॥

શ્મશાને સાધયેન્ મન્ત્રી રાત્રૌ કાષ્ઠૈસ્ તદુદ્ભવૈઃ
કપાલૈર્ ગુણ્ડયેદ્ અઙ્ગં રક્તવાસોપરિચ્છદમ્ ॥

ઉદ્વર્તનો ઽભયો હ્ય્ એષ વજ્રવત્ સ્યાઙ્કુશોપમઃ
ભક્ષયેદ્ દેશયેત્ કંચિત્ કામાઙ્કુશવિનિર્ગતઃ ॥

પુરુષો વશમ્ આયાતિ સ્ત્રી વા મદનગર્વિતા
વાલ્મીકમૃત્તિકાં ગૃહ્ય બલીવર્દં તુ કારયેત્ ॥

કન્યાકર્તિતસૂત્રેણ તસ્ય નાસાં પ્રવેધયેત્
અથવા પદ્મસૂત્રેણ રક્તચન્દનલેપિતમ્ ॥

રક્તપુષ્પૈઃ સમભ્યર્ચ્ય સર્વાર્ણવં સમાનયેત્
સાધ્યસ્ય વિલિખેન્ નામ સ્વરક્તેન વૃષોદરે ॥

શ્રીવૃક્ષકોતરે સ્થાપ્ય સાધ્યમ્ એવં વશીકુરુ
અનેનૈવ મૃદા મેષં કારયેન્ મન્ત્રવિત્ સદા ॥

મેષસૂત્રેણ વૈ નાસાં વેધયેત્ પૂર્વવચ્ છુચિઃ
દેવીનામ્ અગ્રતઃ સ્થાપ્ય તસ્ય નાસાં પ્રચાલયેત્ ॥

યં યં વિજ્ઞાપયેત્ કામં તં તં પ્રાપ્નોતિ સાધકઃ
એતે યોગવરા દેવિ મયા તવ ઉદાહૃતાઃ ॥

વર્ણાનામ્ ઉદરે યાગં સર્વકામપ્રસિદ્ધિદમ્
એવમ્ એવ મગર્ભસ્થં મારણે સમ્પ્રયોજયેત્ ॥

ગવાં રોચનયા લિખ્ય એવમ્ એવ પ્રયોજયેત્
સોદરેમૂકતાં કુર્યાદ્ વાગીશમ્ અપિ મૂકયેત્ ॥

નિત્ યમ્ આકર્ષયેત્ પ્રોક્તમ્ આકારોદરે પૂજિતા
મહાપુરુષવરસ્ત્રીણાં જપમાના તુ કીર્તનાત્ ॥

જ્ઞાનાઙ્કુશગતા પૂજા ક્ષિપ્રં પ્રાયેષુ વસ્તુષુ
ઉન્મનેષ્વ્ અથ ઘોરેષુ સાકારેણ તુ સાધયેત્ ॥

એકારોદરયાગેન ભવત્ય્ અર્થપ્રદાયિકા
વકારમધ્યગા ચૈવ વશીકરણકર્મણિ ॥

ધર્માર્થમોક્ષદા ચૈવ પુષ્ટિતેજોવિવર્ધની
ભવતિ નિયતા દેવિ હંસમધ્યેષુ પૂજિતમ્ ॥

ભઞ્જને યદિ સૈન્યાનાં ભકારજથરે સ્થિતમ્
ભવતિ નિયતા ક્ષિપ્રં ક્ષેમનાભિગરીયસી ॥

મારણે તુ પ્રયોક્તવ્યં ફત્કારાન્તે વ્યવસ્થિતા
વિદ્વેષં તુ પ્રયચ્છન્તિ જકારજથરેસ્થિતા ॥

શત્રુકુલોચ્છાદં કુર્યાત્ હૂં ફત્કારાન્તે વ્યવસ્થિતા
સ્વલ્પપ્રાયેષુ કાર્યેષુ યકારજથરોદરે ॥