વીણાશિખતન્ત્ર · શ્લોક 221-240

વર્ગાતીતસ્ય ગર્ભે તુ ન્યસેત્ પદ્મં ચતુર્દલમ્
તત્ર સભ્રાતૃકા દેવ્યઃ પૂજયેદ્ બીજપઞ્ચકે ॥

એવં પૂજિતમાત્રાસ્ તુ સર્વદાસર્વકામદાઃ
ભવન્તિ નિયતં[નિત્યં] ધર્મકામાર્થમોક્ષદાઃ ॥

યાગમ્ એવં ચ કૃત્વાન્તે તતો લક્ષત્રયં જપેત્
તતઃ સિદ્ધિમ્ અવાપ્નોતિ બ્રહ્મઘ્નો ઽપિ હિ નાન્યથા ॥

મનસા ચિન્તિતં કામં તદા પ્રભૃતિમ્ આપ્નુયાત્
અતઃ પરં પ્રવક્ષ્યામિ જપસ્ય વિધિમ્ ઉત્તમમ્ ॥

એકાસનસ્થિતો મન્ત્રી યાગં કૃત્વા વિધાનવિત્
એકચિત્તઃ પ્રસન્નાત્મા વામહસ્તાક્ષસૂત્રધૃક્ ॥

જપકર્મ સદાકુર્યાદ્ વિશેષમ્ અપરં શૃણુ
વશ્યકામો જપં કુર્યાદ્ અનુલોમૈર્ વિદર્ભિતમ્ ॥

બીજૈર્ એતૈર્ યથાન્યાયં સાધ્યનામાક્ષરાન્વિતૈઃ
કાલં તત્ર વિજાનીયાત્ કાલસિદ્ધિઃ પ્રવર્તતે ॥

મારણે પ્રતિલોમૈસ્ તુ સાધ્યનામ તુ પૂર્વતઃ
વિદ્વેષે ઽપિ વિલોમૈસ્ તુ ફટ્કારાન્તં પ્રયોજયેત્ ॥

મારણે પ્રતિલોમૈસ્ તુ હૂંફત્કારાન્ત દ્યન્ ? તકૈઃ
ઓં સ્વાહા નમો ઽન્તૈસ્ તુ વશ્યાકર્ષણકર્મસુ ॥

હોમયેદ્ એવમ્ એવં તુ સર્વં કુર્યાદ્ વિચક્ષણઃ
નમસ્કારો જપસ્યાન્તે સ્વાહા હોમે પ્રકીર્તિતમ્ ॥

સ્વશોણિતાક્તં લશુનં મારણે પ્રતિહોમયેત્
ઉચ્ચાતને કાકપક્ષં વશ્યે જાતિં તુ હોમયેત્ ॥

વિદ્વેષે શ્લેષ શિગ્રું ચ હોમયેદ્ અવિચારણાત્
આકર્ષણે બકુલપુષ્પં હોમયેચ્ ચ વિચક્ષણઃ ॥

સર્વે યાગસમુદ્દિષ્તાઃ કાલજ્ઞસ્ય યશસ્વિનિ
યેન કાલં ચ વૈ જ્ઞાતં તેન જ્ઞાતઃ સદાશિવઃ ॥

સદાશિવે પરિજ્ઞાતે સિદ્ધિં શામ્યન્તિ સાધકાઃ
કાલતત્ત્વં ચ વિજ્ઞેયં તત્ત્વાત્સિદ્ધિઃ પ્રવર્તતે ॥

તત્ત્વહીના ન સિધ્યન્તિ પ્રયત્નેનાપિ સાધકાઃ
તસ્માત્ સર્વપ્રયત્નેન કાલતત્ત્વં વિદુર્ બુધાઃ ॥

ક્રિયાકાલં ચ વૈ શૂન્યં ન સિધ્યન્તીહ સાધકાઃ
તસ્માત્ ક્રિયાં ચ કાલં ચ અસંજ્ઞેયં પ્રયત્નતઃ ॥

સ કાલશ્ ચ કથં જ્ઞેયો યો ઽસાવ્ ઉક્તસ્ ત્વયા પ્રભો
કાલહીનાનૃતં મન્યે સર્વમ્ એવ ચ શઙ્કર ॥

શૃણુ દેવિ પરં ગુહ્યં કાલતત્ત્વાત્મવિગ્રહમ્
યજ્ જ્ઞાત્વા તુ સુખેનૈવ સિદ્ધિર્ ભવતિ મન્ત્રિણામ્ ॥

અયુતં દ્વે ચ વિજ્ઞેયાઃ ષોડશૈવ શતાનિ ચ
ચતુર્વિંશતિસંક્રાન્ત્યા દ્વાદશાઙ્ગુલગતાગતે ॥

શરીરે તુ યથા દેવિ સ્થિતં સકલનિષ્કલમ્
તથા હંસં પ્રવક્ષ્યામિ સાધકાનાં હિતાય વૈ ॥