વરાહ પુરાણ · અધ્યાય 52

અગસ્ત્ય ઉવાચ ।
સ ત્રિવર્ણો નૃપોત્સૃષ્ટઃ સ્વતન્ત્રત્વાચ્ચ પાર્થિવ ।
અહં નામાનમસૃજત્ પુત્રં પુત્રસ્ત્રિવર્ણકમ્

તસ્યાપિ ચાભવત્ કન્યા અવબોધસ્વરૂપિણી ।
સા તુ વિજ્ઞાનદં પુત્રં મનોહ્વં વિસસર્જ

તસ્યાપિ સર્વરૂપાઃ સ્યુસ્તનયાઃ પઞ્ચભોગિનઃ ।
યથાસંખ્યેન પુત્રાસ્તુ તેષામક્ષાભિધાનકાઃ

એતે પૂર્વં દસ્યવઃ સ્યુસ્તતો રાજ્ઞા વશીકૃતાઃ ।
અમૂર્ત્તા ઇવ તે સર્વે ચક્રુરાયતનં શુભમ્

નવદ્બારં પુરં તસ્ય ત્વેકસ્તમ્ભં ચતુષ્પથમ્ ।
નદીસહસ્ત્રસંકીર્ણ જલકૃત્ય સમાસ્થિતમ્

તત્પુરં તે પ્રવિવિશુરેકીભૂતાસ્તતો નવ ।
પુરુષો મૂર્ત્તિમાન્ રાજા પશુપાલોઽભવત્ ક્ષણાત્

તતસ્તત્પુરસંસ્થસ્તુ પશુપાલો મહાનૃપઃ ।
સંસૂચ્ય વાચકાઞ્છબ્દાન્ વેદાન્ સસ્માર તત્પુરે

આત્મસ્વરૂપિણો નિત્યાસ્તદુક્તાનિ વ્રતાનિ ચ ।
નિયમાન્ ક્રતવશ્ચૈવ સર્વાન્ રાજા ચકાર હ

સ કદાચિન્નૃપઃ ખિન્નઃ કર્મકાણ્ડં પ્રરોચયન્ ।
સર્વજ્ઞો યોગનિદ્રાયાં સ્થિત્વા પુત્રં સસર્જ હ

ચતુર્વક્ત્રં ચતુર્બાહું ચતુર્વેદં ચતુષ્પથમ્ ।
તસ્માદારભ્ય નૃપતેર્વશે પશ્વાદયઃ સ્થિતાઃ

તસ્મિન્ સમુદ્રે સ નૃપો વને તસ્મિંસ્તથૈવ ચ ।
તૃણાદિષુ નૃપસ્સૈવ હસ્ત્યાદિષુ તથૈવ ચ ।
સમોભવત્ કર્મકાણ્ડાદનુજ્ઞાય મહામતે

॥ ઇતિ શ્રીવરાહપુરાણે ભગવચ્છાસ્ત્રે દ્વાપઞ્ચાશોઽધ્યાયઃ