વરાહ પુરાણ · અધ્યાય 45

દુર્વાસા ઉવાચ ।
જ્યેષ્ઠમાસેઽપ્યેવમેવં સંકલ્પ્ય વિધિના નરઃ ।
અર્ચયેત્ પરમં દેવં પુષ્પૈર્નાનાવિધૈઃ શુભૈઃ

નમો રામાભિરામાય પાદૌ પૂર્વં સમર્ચયેત્ ।
ત્રિવિક્રમાયેતિ કટિં ધૃતવિશ્વાય ચોદરમ્

ઉરઃ સંવત્સરાયેતિ કણ્ઠં સંવર્ત્તકાય ચ ।
સર્વાસ્ત્રધારિણે બાહૂ સ્વનામ્નાઽબ્જરથાઙ્ગકૌ

સહસ્ત્રશિરસેઽભ્યર્ચ્ય શિરસ્તસ્ય મહાત્મનઃ ।
એવમભ્યર્ચ્ય વિધિવત્ પ્રાગુક્તં કુમ્ભં વિન્યસેત્

પ્રાગ્વદ્ વસ્ત્રયુગચ્છન્નૌ સૌવર્ણૌ રામલક્ષ્મણૌ ।
અર્ચયિત્વા વિધાનેન પ્રભાતે બ્રાહ્મણાય તૌ ।
દાતવ્યૌ મનસા કામમીહતા પુરુષેણ તુ

અપુત્રેણ પુરા પૃષ્ટો રાજ્ઞા દશરથેન ચ ।
પુત્રકામપરઃ પશ્ચાદ્ વસિષ્ઠઃ પરમાર્ચિતઃ

ઇદમેવ વિધાનં તુ કથયામાસ સ દ્વિજઃ ।
પ્રાગ્રહસ્યં વિદિત્વા તુ સ રાજા કૃતવાનિદમ્

તસ્ય પુત્રઃ સ્વયં જજ્ઞે રામનામા સુતો બલી ।
ચતુર્દ્ધા સોઽવ્યયો વિષ્ણુઃ પરિતુષ્ટો મહામુને ।
એતદૈહિકમાખ્યાતં પારત્રિકમતઃ શ્રૃણુ

તાવદ્ ભોગાન્ ભુઞ્જતે સ્વર્ગસંસ્થો
યાવદિન્દ્રા દશ ચ દ્વિદ્વિસંખ્યા ।
અતીતકાલે પુનરેત્ય મર્ત્ત્યો
ભવેત રાજા શતયજ્ઞયાજી ।
નશ્યન્તિ પાપાનિ ચ તસ્ય પુંસઃ
પ્રાપ્નોતિ નિર્વાણમલં ચ શાશ્વતમ્

॥ ઇતિ શ્રીવરાહપુરાણે ભગવચ્છાસ્ત્રે પઞ્ચચત્વારિંશોઽધ્યાયઃ