વરાહ પુરાણ · અધ્યાય 178

શ્રીવરાહ ઉવાચ ॥
શત્રુઘ્નેન પુરા ઘોરો લવણઃ સૂદિતો યથા ॥
દ્વિજાનુગ્રહકામાર્થમન્નમુગ્રસ્વરૂપિણમ્

દ્વાદશ્યાં માર્ગશીર્ષસ્ય ઉપોષ્ય નિયતઃ શુચિઃ ॥
યઃ કરોતિ વરારોહે શત્રુઘ્નચરિતં યથા

દ્વિજાનાં પ્રીણનં કૃત્વા સ્વધાન્નપટુભોજનૈઃ ॥
લવણસ્ય વધાદેવ શત્રુઘ્નસ્ય શરીરકે

હર્ષસ્તુ સુમહાઞ્જાતો રામસ્યાક્લિષ્ટકર્મણઃ ॥
અયોધ્યાયાઃ સમાયાતો રામઃ સબલવાહનઃ

મહોત્સવં ચ કર્તું સ શત્રુઘ્નસ્ય મહાત્મનઃ ॥
સિતામાગ્રહણીં પ્રાપ્ય મથુરાં લવણાન્તકઃ

એકાદશ્યાં સોપવાસઃ સ્નાત્વા વિશ્રાન્તિસંજ્ઞકે ॥
કૃત્વા મહોત્સવં તત્ર કુટુમ્બસહિતઃ પુરા

તસ્મિન્મુક્ત્વા યથાકામં બ્રાહ્મણાન્વૈ પ્રતર્પ્ય ચ ॥
તસ્મિન્નહનિ તત્રૈવ યઃ કુર્યાત્સ મહોત્સવમ્

સર્વપાપવિનિર્મુક્તઃ પિતૃભિઃ સહ મોદતે ॥
સ્વર્ગલોકે ચિરં કાલં યાવત્સ્થિત્યન્તજન્મનઃ

ઇતિ શ્રીવરાહપુરાણે મથુરામાહાત્મ્યે શત્રુઘ્નલાવણે રામતીર્થયાત્રાયામષ્ટસપ્તત્યધિકશતતમોઽધ્યાયઃ