વરાહ પુરાણ · અધ્યાય 109

અથ કાર્પાસધેનુદાનમાહાત્મ્યમ્ ॥
હોતોવાચ ॥
અથાતઃ સમ્પ્રવક્ષ્યામિ ધેનું કાર્પાસકીં નૃપ ॥
યત્પ્રદાનાન્નરો યાતિ ઐન્દ્રલોકમનુત્તમ્

વિષુવે ત્વયને પુણ્યે યુગાદિગ્રહણે તથા ॥
ગ્રહપીડાસુ ચોગ્રાસુ દુઃસ્વપ્નેઽરિષ્ટદર્શને

નૃણાં ચ ગ્રહપીડાસુ દુઃસ્વપ્નાદ્ભુતદર્શને ॥
પુણ્યેષ્વાયતને રાજઞ્છુચિદેશે ગવાં ગણે

ગોમયેનોપલિપ્તાયાં દર્ભાનાસ્તીર્ય વૈ તિલાન્ ॥
તન્મધ્યે સ્થાપયેદ્ધેનું વસ્ત્રમાલ્યાનુલેપનામ્

ધૂપદીપાદિનૈવેદ્યૈઃ પૂજયેચ્ચ વિમત્સરઃ ॥
ઉત્તમા ચ ચતુર્ભારૈરર્દ્ધેનૈવ તુ મધ્યમા

ભારેણ ચાધમા પ્રોક્તા વિત્તશાઠ્યં વિવર્જયેત્ ॥
ચતુર્થાંશેન વત્સં તુ કલ્પયિત્વા વિધાનતઃ। ૬ ॥
કર્ત્તવ્યા રુક્મશૃઙ્ગી તુ રજતસ્ય ખુરાન્વિતા ॥
નાનાફલમયા દન્તા રત્નગર્ભસમન્વિતાઃ

ઇત્યેવં સર્વસમ્પૂર્ણા કૃત્વા શ્રદ્ધાસમન્વિતઃ ॥
આવાહયેત્તાં કાર્પાસધેનું મન્ત્રૈર્દ્વિજાતયે

દદ્યાદ્ધેનું ચર્મપાણિઃ પ્રયતઃ શ્રદ્ધયાન્વિતઃ ॥
પૂર્વોક્તસ્તુ વિધિઃ કાર્યો દાનમન્ત્રપુરસરઃ

યયા દેવગણઃ સર્વસ્ત્વયા હીનો ન વર્ત્તતે ॥
તથા ઉદ્ધર માં દેવિ પાહિ સંસારસાગરાત્

ઇતિ શ્રીવરાહપુરાણે શ્વેતવિનીતાશ્વોપાખ્યાને કાર્પાસધેનુદાનમાહાત્મ્યં નામ નવાધિકશતતમોઽધ્યાયઃ